ఆ దర్శకుడిని తలుచుకొని ఎమోషనల్ అయిన హీరోయిన్..!
- స్టేజీపైనే ఏడ్చేసిన కలర్ ఫొటో హీరోయిన్ చాందినీ చౌదరి
 |
| Actress Chandini Chowdary |
యంగ్ హీరోయిన్ చాందినీ టాలీవుడ్లో మంచి నటిగా గుర్తింపు తెచ్చుకొంది. చాందినీ చౌదరీ నటించిన ‘కలర్ ఫొటో’ మూవీ ఇటీవల విడుదలై ఘన విజయం సాధించింది. ఈ సినిమా తర్వాత చాందినీ చౌదరికి వరుస అవకాశాలు రావడంతో బీజీగా హీరోయిన్ మారిపోయింది.
చాందినీ చౌదరి తాజాగా నటిస్తున్న చిత్రం ‘సూపర్ ఓవర్’. ఈ మూవీ ట్రైలర్ ఇటీవలే విడుదలైన మంచి టాక్ తెచ్చుకుంది. క్రికెట్.. బెట్టింగ్ నేపథ్యంలో తెరకెక్కిన సూపర్ ఓవర్ మూవీని త్వరలోనే విడుదల చేసేందుకు చిత్రబృందం రెడీ అయింది. ఈక్రమంలోనే ఈ మూవీకి సంబంధించిన ఈవెంట్ ను నిర్వహించారు.
సూపర్ ఓవర్ కోసం నిర్వహించిన ఈవెంట్లో హీరోహీరోయిన్లు.. నటీనటులు మాట్లాడారు. అయితే హీరోయిన్ చాందినీ చౌదరి ఈ సినిమా దర్శకుడు ప్రవీణ్ ను తలుచుకొని ఎమోషన్ అయి స్టేజీపైనే ఏడ్చేసింది. ఈ సందర్భంగా ఆమె పక్కనే ఉన్న హీరో నవీన్ చంద్ర ఆమెను ఓదార్చే ప్రయత్నం చేశాడు.
సూపర్ ఓవర్ దర్శకుడు ప్రవీణ్ సినిమాను తెరకెక్కిస్తున్న సమయంలోనే రోడ్డు ప్రమాదంలో మృతిచెందాడు. దీంతో చిత్రయూనిట్ మొత్తం శోకసంద్రంలో మునిగిపోయింది. అయితే దర్శకుడి కలను చిత్రయూనిట్ పూర్తి చేసింది. సూపర్ ఓవర్ మూవీ పూర్తిచేసింది. ఈ సందర్భంగా చాందినీ చౌదరి దర్శకుడు ప్రవీణ్ ను గుర్తుచేసుకొని కన్నీటి పర్యంతమైంది.
సూపర్ ఓవర్ మూవీ దర్శకుడు ప్రవీణ్ అంకితమని హీరోయిన్ చాందినీ చౌదరి చెప్పింది. ఈ సినిమాను అందరి ముందుకు తీసుకురావడానికి కృషి చేసిన సుధీర్ ను చిత్రయూనిట్ ప్రత్యేకంగా అభినందించింది. త్వరలోనే ఈ మూవీ విడుదల తేదిని అధికారికంగా ప్రకటించేందుకు చిత్రయూనిట్ సిద్ధమవుతోంది.
0 Comments