Heroine Sai Pallavi Dance Step Goes Trending

సాయిపల్లవి జంప్.. ఫిదా అవుతున్న నెటిజన్లు..!

• సోషల్ మీడియాలో ట్రెండింగ్ అవుతున్న సాయిపల్లవి స్టెప్పు

Sai Pallavi love story Movie

యంగ్.. టాలెంటెడ్ హీరోయిన్లలో సాయి పల్లవి ఒకరు. సినీ పరిశ్రమలో మల్టి టాలెంట్ హీరోయిన్లు కొంతమంది ఉన్నారు. వీరిలో నిత్యమీనన్.. తమన్నా.. సాయిపల్లవి పేర్లు ప్రముఖంగా విన్పిస్తుంది. ఈ ముగ్గురు హీరోయిన్లు దక్షిణాదిలో మల్టి టాలెంట్ హీరోయిన్లుగా గుర్తింపు తెచ్చుకున్నారు. 

సాయిపల్లవి సినిమాల్లోకి రాకముందే తెలుగు ప్రేక్షకులకు పరిచయం. ఢీ షోలో కంటెస్టెంట్ గా పాల్గొన్న సాయిపల్లవి నాడే తెలుగు ప్రేక్షకుల అభిమానాన్ని చూరగొంది. హీరోయిన్ అయిన తర్వాత తెలుగులో క్రేజీ హీరోయిన్ గా కొనసాగుతోంది. ‘ఫిదా’ మూవీతో టాలీవుడ్లోకి ఎంట్రీ ఇచ్చిన సాయిపల్లవి తొలి మూవీతోనే బాక్సాఫీస్ హిట్టందుకుంది. 

‘ఫిదా’ మూవీ విజయంతో సాయిపల్లవికి తెలుగు, తమిళంతోపాటు పలు భాషల్లో ఆఫర్లు వెతుక్కుంటూ వచ్చాయి. ప్రస్తుతం సాయిపల్లవి శేఖర్ కమ్ముల దర్శకత్వంలో తెరకెక్కుతున్న ‘లవ్ స్టోరీ’ మూవీలో నటిస్తోంది. సాయిపల్లవికి జోడీగా సమంత భర్త నాగచైతన్య నటిస్తున్నాడు. 

‘లవ్ స్టోరీ’ మూవీ టీజర్ తాజాగా రిలీజైంది. ఈ టీజర్లో సాయిపల్లవి వర్షంలో చేసిన జంప్ కు అభిమానులు ఫిదా అవుతున్నారు. ఆకాశంలో హరివిల్లులా ఎగిరిన ఆమె స్టెప్పును టీజర్ నుంచి కట్ చేసి నెటిజన్లు వైరల్ చేస్తున్నారు.

‘లవ్ స్టోరీ’ మూవీలో నాగచైతన్య.. సాయిపల్లవి అద్భుతంగా నటించినట్లు తెలుస్తోంది. ఈ మూవీ బంపర్ హిట్టు సాధిస్తుందనే టాక్ రిలీజ్ కు ముందే విన్పిస్తోంది. 

It’s 6M+ Digital views & 265.7k+ Likes for #LoveStoryTeaser in 24hrs!

ICYMI👉 https://t.co/fk0LTrWJ7b@chay_akkineni @sai_pallavi92 @sekharkammula @SVCLLP @pawanch19 @adityamusic @NiharikaGajula @GskMedia_PR #SaiPallavi #LoveStory pic.twitter.com/YCj3XG3OvT

— Sai Pallavi™ (@SaipallaviFC) January 11, 2021