Nithya Menen says goodbye to Vijay Sethupathi

 విజయ్ సేతుపతికి బైబై చెప్పేసిన నిత్యామీనన్

• జెట్ స్పీడుతో ‘19 1a’ మూవీని పూర్తి చేసిన నిత్యామీనన్..!

Actress Nithya Menen

మలయాళీ బొద్దుగుమ్మ నిత్యామీనన్ సినిమా ఇండస్ట్రీలో మల్టి టాలెంటెడ్ హీరోయిన్ గా గుర్తింపు తెచ్చుకుంది. విభన్నమైన కథల్లో నటిస్తూ క్రేజీ హీరోయిన్ గా మారిపోయింది. నిత్యామీనన్ కథాబలం.. నటనకు ప్రాధాన్యం ఉన్న సినిమాల్లోనే నటిస్తూ కోట్లల్లో అభిమానగణాన్ని సంపాదించుకుంది. 

నిత్యామీనన్ దక్షిణాదిలోని అన్ని భాషలతోపాటు బాలీవుడ్లోనూ నటించింది. ప్రధానంగా తెలుగు.. తమిళ్.. మలయాళీ.. కన్నడ భాషల్లో నటిస్తూ సౌత్ హీరోయిన్ గా హవా కొనసాగిస్తోంది. నిత్యామీనన్ కు మలయాళంలో కంటే టాలీవుడ్లోనే ఎక్కువ ఫ్యాన్ ఫాలోయింగ్ అయింది. నిత్యమీనన్ వీలుచిక్కినప్పుడల్లా తెలుగు సినిమాల్లో నటిస్తూ టాలీవుడ్ ప్రేక్షకులను అలరిస్తూ ఉంటోంది. 

నిత్యామీనన్ లాక్డౌన్ సమయంలో రచయితగా మారింది. తానే స్వయంగా ఓ స్ర్కిప్టును కూడా సిద్ధం చేసుకుంది. ఇప్పటికే సింగర్ గా.. యాక్టర్ గా సత్తాచాటుతున్న ఈ బొద్దుగుమ్మ రచయితగా.. దర్శకురాలిగా సత్తా చాటుతానని స్పష్టం చేసింది. లాక్డౌన్లో నిత్యామీనన్ ఓ వెబ్ సీరిసులో బోల్డ్ గా నటించి అందరిచేత ఔరా అనిపించింది. ఇందులో నిత్యమీనన్ లెస్బియన్ గా నటించిన సంగతి తెల్సిందే. 

నిత్యామీనన్ ప్రస్తుతం మలయాళంలో ‘19 1a’లో మూవీలో విజయ్ సేతుపతికి జోడీగా నటిస్తున్నారు. ఇందు వీయస్ అనే కొత్త దర్శకురాలు ‘19 1a’ మూవీని తెరకెక్కిస్తున్నారు. నవంబర్లో ప్రారంభమైన ఈ మూవీ షూటింగ్ జెట్ స్పీడుతో చిత్రయూనిట్ ముగించేసింది. దీంతో విజయ్ సేతుపతికి నిత్యామీనన్ బైబై చెప్పేసింది. 

‘19 1a’ సినిమాపై నిత్యామీనన్ తాజాగా స్పందించారు. ‘19 1a’ సినిమా కథాంశం రాజ్యాంగం మనకు ఇచ్చిన హక్కులను గుర్తు చేస్తుందని.. ఈ కథలో తాను భాగస్వామ్యం కావడం సంతోషంగా ఉందన్నారు. ఈ మూవీలో త్వరలోనే ప్రేక్షకుల ముందుకు తీసుకొచ్చే ప్రయత్నం చేస్తున్నట్లు తెలిపారు. నిత్యామీనన్ ప్రస్తుతం తెలుగులో ‘నిన్నిలా నిన్నిలా’ మూవీలో నటిస్తుంది.