KGF-2 release date Clarity

 కేజీఎఫ్-2 రిలీజ్ డేట్ పై క్లారిటీ వచ్చేసినట్టే..!

• జూలై 30న కేజీఎఫ్-2 ను రిలీజ్ చేసేందుకు సన్నహాలు చేస్తున్న చిత్రయూనిట్.

KGF Release Date

కేజీఎఫ్-1 మూవీ సౌత్ ఇండియాలో బాక్సాఫీస్ వద్ద కలెక్షన్ల వర్షం కురిపించింది. కన్నడ రాక్ స్టార్ యశ్ నటించిన కేజీఎఫ్-1 మూవీ ప్రభాస్ నటించిన ‘బాహుబలి’ రేంజ్లో హిట్టయింది. కేజీఎఫ్-1 కు సిక్వెల్ రానుందని గతంలోనే దర్శకుడు ప్రశాంత్ నీల్ ప్రకటించాడు. 

కేజీఎఫ్-2 మూవీని అత్యంత భారీ బడ్జెట్లో హోంబలే ఫిలింస్ బ్యానర్లో విజయ్ కిరగందూర్ నిర్మిస్తున్నాడు. ప్యాన్ ఇండియా మూవీగా రాబోతున్న ఈ మూవీని తెలుగులోవారాహి చలన చిత్రంవారు రిలీజ్ చేయనున్నారు. 

జనవరి 8న యశ్ పుట్టిన రోజును పురస్కరించుకొని కేజీఎఫ్-2 చిత్ర యూనిట్ టీజర్ ను విడుదల చేసింది. ఈ మూవీ టీజర్ యూట్యూబ్లో సరికొత్త రికార్డులను నమోదు చేసుకొంది. కేవలం 10గంటల్లోనే 2మిలియన్స్ లైక్ దక్కించుకొని వరల్డ్ రికార్డు నెలకొల్పింది. 

సోషల్ మీడియాలో ఇప్పటికే 25మిలియన్ వ్యూస్ ను దాటేసిన కేజీఎఫ్-2 30మిలియన్ వ్యూస్ దిశగా దూసుకెళుతోంది. కాగా ఈ మూవీ రిలీజ్ పై చిత్రయూనిట్ అధికారికంగా ప్రకటించినప్పటికీ జూలై 30న రిలీజ్ చేసేందుకు సన్నహాలు చేసుకుంటుందనే టాక్ విన్పిస్తోంది. 

కేజీఎఫ్-2 మూవీ షూటింగ్ కరోనా కారణంగా ఆలస్యమవుతూ వస్తోంది. ప్రస్తుతం కేజీఎఫ్-2 చివరి దశకు చేరుకోవడం సినిమా రిలీజ్ ఎప్పుడా? అనే ఆసక్తి నెలకొంది. థియేటర్లు పూర్తి రన్ తో నడిచే సమయానికి కేజీఎఫ్-2ను తీసుకురావాలని చిత్రయూనిట్ భావిస్తోంది. 

కేజీఎఫ్-1 సౌత్ ఇండియాలో కలెక్షన్లను కొల్లగొట్టగా.. కేజీఎఫ్-2ను మాత్రం సౌత్ ఇండియాతోపాటు బాలీవుడ్లోనూ కలెక్షన్లు కొల్లగొట్టేలా తీర్చిదిద్దారు. బాలీవుడ్ నటుడు సంజయ్ దత్.. సీనియన్ నటి రవీనా టాండన్ లను కేజీఎఫ్-2లో భాగం చేశారు. 

కేజీఎఫ్-2లో బాలీవుడ్ నటులతోపాటు వివిధ భాషలకు చెందిన నటీనటులను తీసుకున్నారు. విలక్షణ నటుడు ప్రకాశ్ రాజ్.. రావు రమేష్ కీలక పాత్రల్లో నటిస్తున్నారు. ఇక యశో జోడీగా కన్నడ బ్యూటీ శ్రీనిధిశెట్టి హీరోయిన్ గా నటిస్తోంది.

Also Read: KGF-1 ను మరిపించేలా KGF-2 యాక్షన్ సీక్వెన్స్.. అదరగొట్టిన యష్.

Also Read: యూట్యూబ్లో వరల్డ్ రికార్డు నెలకొల్పిన కేజీఎఫ్-2 టీజర్