Acharya Movie Release Date Official Announcement

 మెగా అభిమానులకు గుడ్ న్యూస్.. ఆచార్య డబుల్ ధమకా..!

• ఆచార్య రిలీజ్ డేట్ అనౌన్స్ చేసిన చిత్రయూనిట్

Acharya Release date

జనవరి 29న చిరంజీవి తల్లిగారైన అంజనాదేవి పుట్టిన రోజు. ఆమె పుట్టినరోజును పురస్కరించుకొని మెగా అభిమానులంతా సోషల్ మీడియాలో అంజనాదేవికి పుట్టినరోజు శుభాకాంక్షలు తెలుపుతున్నారు. ఈక్రమంలో మెగాస్టార్ చిరంజీవి మెగా అభిమానుల కోసం ఆచార్య టీజర్ ను విడుదల చేసి అభిమానుల్లో జోష్ నింపారు. 

67సెకన్ల నిడివితో విడుదలైన ఆచార్య టీజర్ ఆద్యంతం ఆకట్టుకుంది. ఆచార్య కటౌట్ కు మెగా పవర్ స్టార్ వాయిస్ ఓవర్ అందించడం స్పెషల్ అట్రాక్షన్ గా నిలిచింది. ధర్మస్థలిలో అడుగుపెట్టిన మెగాస్టార్ వారి కోసం పోరాడటాన్ని టీజర్లో చూపించారు. చిరంజీవి ఫైట్స్.. డైలాగ్స్.. మణిశర్మ సంగీతం మెగా అభిమానులను అలరించింది. 

ఆచార్య టీజర్ కేవలం గంట వ్యవధిలోనే 2లక్షల వ్యూస్ దాటేసి యూట్యూబ్లో సరికొత్త ట్రెండ్ సృష్టిస్తోంది. ఆచార్య జోష్ చూస్తుంటే సోషల్ మీడియాలో సరికొత్త రికార్డులు కొల్లగొట్టడం ఖాయంగా కన్పిస్తోంది. తాజాగా ఆచార్య రిలీజ్ డేట్ ను చిత్రబృందం అనౌన్స్ చేసింది. మే 13న ఆచార్య సినిమాను ప్రేక్షకుల ముందుకు రాబోతున్నట్లు ప్రకటించడంతో మెగా అభిమానులు ఖుషీ అవుతున్నారు. 

Also Read: ఆచార్య కటౌట్ కు మెగా పవర్ స్టార్ వాయిస్ ఓవర్ అదుర్స్..!