Chiranjeevi Koratala Shiva fixes Acharya teaser date

ఆచార్య నుంచి బిగ్ అనౌన్స్ మెంట్..!

• రేపు ఉదయం 10గంటలకు విడుదల కానున్న ఆచార్య టీజర్

Chiranjeevi Koratala Shiva discussions

మెగా అభిమానులు ఎప్పుడెప్పుడా అని ఎదురుచూస్తున్న ఆచార్య టీజర్ రేపు ఉదయం 10గంటలకు విడుదల కానుంది. ఈ విషయాన్ని మెగాస్టార్ చిరంజీవి స్వయంగా తన ట్వీటర్లో పోస్టు చేశారు. 

నేడు 72 గణతంత్ర దినోత్సవ వేడుకల సందర్భంగా చిరంజీవి బ్లడ్ బ్యాంకులో మెగాస్టార్ చిరంజీవి జాతీయ జెండా ఎగురవేశారు. ఈ కార్యక్రమంలో మెగా బ్రదర్ నాగబాబు.. మెగా పవర్ స్టార్ రాంచరణ్.. అల్లు అరవింద్.. పెద్ద సంఖ్యలో మెగా అభిమానులు పాల్గొన్నారు. 

గణతంత్ర దినోత్సవం సందర్భంగా చిరంజీవి బ్లడ్ బ్యాంక్ ఆధ్వర్యంలో అభిమానులు మెగా రక్తదాన శిబిరం నిర్వహించారు. ఈ సందర్భంగా మెగా అభిమానులను చిరంజీవి.. రాంచరణ్ తదితరులు పరామర్శించారు. 

నేటి సాయంత్రం చిరంజీవిని ఆయన ఇంట్లో దర్శకుడు కోరటాల శివ కలిశారు. ఈ సందర్భంగా వీరి మధ్య ఆచార్య సినిమా.. టీజర్ గురించి  చర్చ జరిగింది. ఈమేరకు ఆచార్య టీజర్ ను రేపు ఉదయం 10గంటలకు విడుదల చేయనున్నట్లు చిరంజీవి ప్రకటించారు. 

దర్శకుడు కోరటాల శివ.. మెగాస్టార్ మధ్య జరిగిన సంభాషణకు చిరంజీవి హ్యుమర్ జోడించారు. ఈమేరకు వారి మధ్య జరిగిన సంభాషణను ఓ పిక్ రూపంలో పోస్టు చేశారు. 

ఏమయ్య కోరటాల.. ఆచార్య టీజర్ న్యూ ఇయర్ కి లేదు.. సంక్రాంతికి లేదు..ఇంకెప్పుడు అని ప్రశ్నిస్తారు.. దీనికి కోరటాల సార్.. అదే పని మీద ఉన్న అంటూ సమాధానం ఇస్తాడు. దీనికి చిరంజీవి ఎప్పుడో చెప్పకపోతే లీక్ చేయడానికి రెడీగా ఉన్న అంటూ చెబుతాడు.

దీనికి భయపడిన కోరటాల శివ చిరంజీవితో రేపు ఉదయమే అనౌన్స్ మెంట్ ఇస్తానని చెబుతాడు. దీనికి చిరంజీవి ఇస్తావుగా అని మళ్లీ అడుగుతాడు. అనౌన్స్ మెంట్ రేపు ఉదయం 10గంటలకు ఫిక్స్ సార్ అంటూ కోరటాల శివ చిరంజీవికి హామీ ఇస్తాడు. 

ఈ పిక్ చూసిన వారంతా మెగాస్టార్ చిరంజీవి కొత్త ట్రెండ్ కు శ్రీకారం చుట్టారని కామెంట్స్ చేస్తున్నారు. చిరు కామెడీ టైమింగ్ కు మెగా అభిమానులంతా ఫిదా అవుతూ బాస్ ఈజ్ బ్యాక్ అంటూ సంబరపడిపోతున్నారు. 

Also Read:  ‘ఆచార్య’ షేర్ చేసిన అద్భుతమైన టెంపుల్.. ఓ లుక్కేయండి..!