Amazing Temple Chiru tweet viral in Acharya

 ‘ఆచార్య’ షేర్ చేసిన అద్భుతమైన టెంపుల్.. ఓ లుక్కేయండి..!

• సోషల్ మీడియాలో ట్రెండ్ అవుతున్న ఆచార్య టెంపుల్ టౌన్

Acharya Temple Town

మెగాస్టార్ చిరంజీవి తాజాగా నటిస్తున్న చిత్రం ‘ఆచార్య’. కమర్షియల్ డైరెక్టర్ కొరటాల శివ.. మెగాస్టార్ చిరంజీవి కాంబినేషన్లో ‘ఆచార్య’ మూవీ తెరకెక్కుతోంది. ఈ మూవీలో చిరంజీవికి జోడీగా కాజల్ అగర్వాల్ నటిస్తోంది. 

మెగా పవర్ స్టార్ రాంచరణ్ ఈ మూవీలో కీలక పాత్ర పోషిస్తున్నారు. చిరంజీవి డ్యూయల్ రోల్స్ చేస్తున్నాడు. పవర్ ఫుల్ ఎండోన్మెంట్ ఆఫీసర్ గా చిరంజీవి ఆచార్యలో నటిస్తున్నాడు. 

ఆచార్య మూవీలో టెంపుల్ సెట్ ను 20ఎకరాల్లో అద్భుతంగా వేశారు. ఈ ఆలయానికి సంబంధించిన వీడియోను మెగాస్టార్ చిరంజీవి తన ట్వీటర్లో తాజాగా షేర్ చేయగా సోషల్ మీడియాలో ట్రెండింగ్ అవుతోంది. ఈ సందర్భంగా ఆచార్య టెంపుల్ టౌన్ పై ఆసక్తికరమైన వ్యాఖ్యలు చేశారు. 

'ఆచార్య సినిమా కోసం ఇండియాలోనే అతిపెద్ద టెంపుల్ టౌన్ సెట్ ను 20 ఎక‌రాల విస్తీర్ణంలో వేశారు. ప్ర‌తీ చిన్నచిన్న విష‌యాల‌ను కూడా అద్భుతంగా మ‌లిచి గాలిగోపురాన్ని క్రియేట్‌చేశారు..ఇది క‌ళాద‌ర్శ‌క‌త్వ ప్ర‌తిభ‌కే ఓ మ‌చ్చుతున‌క’ అని చిరంజీవి అన్నారు. 

‘నాకెంతో ముచ్చ‌ట‌నిపించి నా కెమెరాలో బంధించి.. మీతో పంచుకోవాల‌నుకున్నా.. నిజంగానే ఓ టెంపుల్ టౌన్లో ఉన్నామా? అనేంత‌గా టెంపుల్ డిజైన్ చేసిన క‌ళా ద‌ర్శ‌కుడు సురేశ్‌ను.. టెంపుల్ టౌన్ ను విజువ‌లైజ్ చేసిన కొరటాల శివ‌ను.. దీన్ని నిర్మాణానికి కావాల్సినవి వనరులను స‌మ‌కూర్చిన నిర్మాత‌లు నిరంజ‌న్ రెడ్డి.. రామ్‌చ‌ర‌ణ్ ల‌ను నేను మ‌న‌స్ఫూర్తిగా అభినందిస్తున్నాన‌ని.. ప్రేక్షకులకు సైతం ఈ టెంపుల్ టౌన్ ఒక ఆనందానుభూతిని కలిస్తుందనడంలో సందేహం లేదని’ చిరంజీవి వ్యాఖ్యానించారు. 

ఇదిలా ఉంటే ఆచార్య మూవీ కరోనా కారణంగా ఆలస్యమవుతోంది. కరోనా నిబంధనలు పాటిస్తూ ఆచార్య షూటింగ్ ను కొరటాల శివ తెరకెక్కిస్తున్నాడు. ఈ మూవీలో రియల్ హీరో సోనూసుద్ కీలక పాత్రలో నటిస్తున్నారు. రెజీనా ఓ స్పెషల్ సాంగ్లో మెగాస్టార్ తో ఆడిపాడనుంది. ఈ మూవీకి మ్యూజికల్ బ్రహ్మ మణిశర్మ అద్భుతమైన బాణీలను సమకూరుస్తున్నాడు.

The amazing #TempleTown set built for #Acharya is a real piece of Art. Couldn't stop sharing it with you all. pic.twitter.com/P4psg5TDVn

— Chiranjeevi Konidela (@KChiruTweets) January 6, 2021

Also Read: ఆహాలో మెగాస్టార్ చిరంజీవి చెప్పిన మాటాలకు ఫిదా అవుతున్న నెటిజన్లు.. 

Also Read: సుధాకర్ దంపతులకు మెగాస్టార్ సపోర్ట్