Prashant Neel repeated Mother Sentiment in KGF-2

 కేజీఎఫ్-1 సెంటిమెంట్ రిపీట్.. రికార్డులు బద్దలు కావాల్సిందే..!

• కేజీఎఫ్ చాప్టర్-2లోనూ మదర్ సెంటిమెంట్ ను రిపీట్ చేసిన డైరెక్టర్ ప్రశాంత్ నీల్

KGF Mother

కేజీఎఫ్-2 టీజర్ నేడు రిలీజైంది. జనవరి 8న కన్నడ రాక్ స్టార్ యష్ పుట్టినరోజును పురస్కరించుకొని కేజీఎఫ్ చిత్రయూనిట్ టీజర్ రిలీజ్ చేసింది. కేజీఎఫ్-2 టీజర్ రిలీజైన కొద్ది క్షణాల్లోనే ట్రెండింగ్ లోకి దూసుకెళ్లింది. కేజీఎఫ్-2 టీజర్ ఇప్పటికే సోషల్ మీడియాలో దుమ్ములేపుతోంది. 

కేజీఎఫ్-2 యూట్యూబ్లో ప్రపంచ రికార్డులను సృష్టిస్తోంది. ఫాసెస్ట్ వన్ మిలియన్ లైక్స్ పొందిన మొదటి టీజర్ గా కేజీఎఫ్-2 టీజర్ నిలిచింది. దీనికితోడు కేవలం 10గంటల్లోనే టూ మిలియన్ లైక్స్ తోపాటు 25మిలియన్ వ్యూస్ ను క్రాస్ చేసింది. కేజీఎఫ్-2 టీజర్ జోష్ చూస్తుంటే 30మిలియన్ వ్యూస్ ను దాటేసేలా కన్పిస్తోంది. 

కేజీఎఫ్-2 ఓవరల్ గా 24గంటల్లోనే ఎన్ని మిలియన్ వ్యూస్ ను దక్కించుకునేందుకు రేపటిలోగా తెలియనుంది. కేజీఎఫ్-2 టీజర్ సోషల్ మీడియాలో సరికొత్త రికార్డులు సృష్టిస్తుండటంపై అభిమానులు సైతం ఆనందం వ్యక్తం చేస్తున్నారు. కేజీఎఫ్ దర్శకుడు ప్రశాంత్ నీల్ కేజీఎఫ్ కు అచ్చొచ్చిన సెంటిమెంట్ ను కేజీఎఫ్-2లోనూ రిపీట్ చేయడం కన్పించింది. 

కేజీఎఫ్-2 టీజర్ ను పరిశీలిస్తే దర్శకుడు ప్రశాంత్ నీల్ మదర్ సెంటిమెంట్ ను రిపీట్ చేసినట్లు కన్పించింది. కేజీఎఫ్-1 మూవీకి మదర్ సెంటిమెంట్ బాగా కలిసొచ్చేంది. దీంతో ఈ సెంటిమెంట్ ను కేజీఎఫ్-2లోనూ దర్శకుడు ప్రశాంత్ నీల్ చేర్చినట్లుగా తెలుస్తోంది. కేజీఎఫ్-1లోని ఎన్నో ప్రశ్నలకు కేజీఎఫ్-2లో సమాధానాలు దొరికే అవకాశం ఉందని తెలుస్తోంది. 

ప్యాన్ ఇండియా మూవీగా రాబోతున్న కేజీఎఫ్-2 సినిమా భారీ తారాగణంతో తెరకెక్కుతోంది. ఇండియా వైడ్ గా కలెక్షన్లు రాబట్టాలని చిత్రయూనిట్ భావించడంతో అందుకు తగ్గట్టుగానే వివిధ భాషలకు చెందిన నటీనటులను సినిమాలో నటింపజేశారు. బాలీవుడ్ నుంచి సంజయ్ దత్.. రవీనా టాండన్.. దక్షిణాది నుంచి ప్రకాశ్ రాజ్.. రావు రమేష్ లు కీలక పాత్రలో నటిస్తున్నాడు. 

కేజీఎఫ్-2లో యష్ కు జోడీగా కన్నడ బ్యూటీ శ్రీనిధిశెట్టి నటిస్తోంది. కరోనా కారణంగా కేజీఎఫ్-2 మూవీ నెమ్మదిగా షూటింగ్ జరుపుకుంటోంది. కేజీఎఫ్-2 మూవీ చివరి దశకు రావడంతో సినిమా రిలీజ్ డేట్ పై ఆసక్తి నెలకొంది. జూలై 30తేదిన ఈ మూవీని రిలీజ్ చేయాలని చిత్రయూనిట్ భావిస్తున్నట్లు టాక్ విన్పిస్తోంది. తెలుగులో ఈ మూవీని వారాహి చలన చిత్రం రిలీజ్ చేయనుంది.

Also Read: కేజీఎఫ్-2 రిలీజ్ డేట్ పై క్లారిటీ వచ్చేసినేట్టేనా?

Also Read: KGF-1 ను మరిపించేలా KGF-2 యాక్షన్ సీక్వెన్స్.. అదరగొట్టిన యష్.

Also Read: యూట్యూబ్లో వరల్డ్ రికార్డు నెలకొల్పిన కేజీఎఫ్-2 టీజర్