ప్యాన్ ఇండియా లెవల్లో శ్రీదేవి చిన్నకూతురు ఎంట్రీ..!
- ఖుషీ కపూర్ అరంగేట్రానికి ఏర్పాట్లు చేస్తున్న బోనీకపూర్
అతిలోక సుందరి శ్రీదేవి చిన్నకూతురు ఖుషీ కపూర్ త్వరలోనే సినిమాల్లో గ్రాండ్ ఎంట్రీ ఇవ్వనుంది. ఈ విషయాన్ని శ్రీదేవి భర్త బోనికపూర్ స్వయంగా ప్రకటించారు. శ్రీదేవి బ్రతికి ఉన్న సమయంలోనే ఆమె పెద్దకూతురు జాన్వీకపూర్ దఢక్ మూవీ ద్వారా బాలీవుడ్ ఎంట్రీ ఇచ్చింది. ఈ మూవీ బాక్సాఫీస్ వద్ద విజయం సాధించడంతో జాన్వీకపూర్ బాలీవుడ్లో క్రేజీ హీరోయిన్ గా మారిపోయింది.
 |
| Janhvi Kapoor Khushi Kapoor First Pan India Movie |
జాన్వీకపూర్ లాగానే ఖుషీ కపూర్ సైతం నటనపై ఆసక్తి పెంచుకుంది. ఖుషీ కపూర్ ప్రస్తుతం లండన్ లోని ఓ ఫిల్మ్ ఇనిస్టిట్యూట్లో యాక్టింగ్ పై శిక్షణ తీసుకుంటోంది. ఈక్రమంలోనే ఖుషీ కపూర్ సినిమా ఎంట్రీపై బోనికపూర్ క్లారిటీ ఇచ్చాడు. ఖుషీ కపూర్ సైతం తన తల్లి శ్రీదేవి.. అక్క జాన్వీ కపూర్ లాగానే సినిమాలపై ఇంట్రెస్ట్ పెంచుకుందని తెలిపారు.
 |
| Khushi Kapoor Pan India Movie |
ఖుషీ కపూర్ త్వరలోనే సిల్వర్ స్క్రీన్ పై ఎంట్రీ ఇవ్వనుందని బోనికపూర్ స్పష్టం చేశారు. అంతేకాకుండా ఖుషీ మొదటి సినిమాను తాను లాంచ్ చేయడం లేదని వివరణ ఇచ్చారు. తనకు నమ్మకమైన డైరెక్టర్.. నిర్మాతలతోనే ఖుషీ కపూర్ మొదటి సినిమా ఉంటుందని తెలిపారు. దీంతో ఖుషీ కపూర్ ఎంట్రీకి మార్గం సుగమమైంది.
ఖుషీ కపూర్ తొలి సినిమా బాలీవుడ్లోనే ఉండనుంది. అయితే ఈ మూవీ ప్యాన్ ఇండియా లెవల్లో ఉంటుందని బీ టౌన్ వర్గాల్లో టాక్ విన్పిస్తోంది. జాన్వీకపూర్ ఎంట్రీ బాలీవుడ్లోనే జరిగింది. దీంతో ఆమె ఆ ఇండస్ట్రీకే పరిమితమైంది. శ్రీదేవి తన కూతురిని తెలుగు ఇండస్ట్రీకి పరిచయం చేయాలని భావించినా ఆమె కల నెరవెరకుండానే స్వర్గస్తురాలైంది.
 |
| Sridevi with Khushi Kapoor |
జాన్వీకపూర్ టాలీవుడ్ ఎంట్రీ ఇప్పుడు.. అప్పుడు అంటూ పలుమార్లు వార్తలు వచ్చినా ఇప్పటివరకు అది నిజం కాలేదు. ఈక్రమంలోనే ఖుషీ కపూర్ ఎంట్రీని ప్యాన్ ఇండియా లెవల్లో చేయాలని బోనికపూర్ ఆలోచిస్తున్నారట. దీంతో ప్యాన్ ఇండియా సినిమాలు నిర్మించే దర్శకుడితో ఖుషీ కపూర్ ను తొలి సినిమాను లాంచ్ చేయాలని బోనికపూర్ ప్రయత్నాలు చేస్తున్నారని సమాచారం.
 |
| Boney Kapoor Family |
ఖుషీ కపూర్ తొలి సినిమా ప్యాన్ ఇండియా మూవీగా రూపొందిస్తే ఆమెకు సినిమా ఇండస్ట్రీలో గ్రాండ్ ఎంట్రీ లభించడం ఖాయమనే టాక్ విన్పిస్తోంది. తద్వారా తెలుగులోనూ ఖుషీ కపూర్ ఎంట్రీతో శ్రీదేవి కల నెరవరుతుందని బోనికపూర్ భావిస్తున్నారట. దీనిపై బోనికపూర్ త్వరలోనే క్లారిటీ ఇవ్వనున్నట్లు తెలుస్తోంది.
 |
| Khushi Kapoor Janhvi Kapoor |
ఖుషీ కపూర్ తొలి సినిమా ప్యాన్ ఇండియా మూవీ అయితే ఖుషీ కపూర్ పై ఒత్తిడి పెరిగే అవకాశం ఉందని పలువురు సూచిస్తున్నారు. దీంతో ఖుషీ కపూర్ తొలి సినిమా ప్యాన్ ఇండియా లెవల్లో ఉంటుందా? లేక బాలీవుడ్ తోనే సరిపెడుతారా అనే ఆసక్తికరంగా మారింది. ఏదిఏమైనా ఖుషీ కపూర్ ఎంట్రీకి అన్ని అడ్డంకులు తొలగడంపై శ్రీదేవి అభిమానులు మాత్రం సంతోషం వ్యక్తం చేస్తున్నారు.Image Credit: © Copyright owner by respective creators
0 Comments