Radhika Apte is the Queen of the OTT

‘క్వీన్ ఆఫ్ ది ఓటీటీ’ నిలిచిన రాధిక ఆప్టే..!

• ఓటీటీలో సత్తాచాటి నెంబర్ వన్ గా నిలిచిన రాధిక ఆప్టే.

రాధిక ఆప్టే(twitter/radhika_apte)

రాధిక ఆప్టే తెలుగు ప్రేక్షకులకు సుపరిచితమే. టాలీవుడ్లో రాధిక ఆప్టే పలు సినిమాల్లో నటించింది. రాంగోపాల్ వర్మ తెరకెక్కించిన ‘రక్తచరిత్ర’.. ‘రక్తచరిత్ర-2’లో నటించి తెలుగు ప్రేక్షకులను ఆకట్టుకుంది. 

‘రక్తచరిత్ర’ మూవీలో రాధిక ఆప్టే నటనకు విమర్శకుల నుంచి ప్రశంసలు దక్కాయి. ఆ తర్వాత ‘ధోని’లోనూ.. బాలయ్యకు జోడీగా ‘లయన్’.. ‘లెజెండ్’ మూవీల్లో.. రజనీకాంత్ సరసన ‘కబాలి’ సినిమాల్లో నటించింది. 

రాధిక ఆప్టే దక్షిణాది సినిమాలతోపాటు బాలీవుడ్లోనూ పలు సినిమాల్లో నటించింది. దక్షిణాది సినిమాల్లో సాంప్రదాయకంగా కన్పించిన రాధికా ఆప్టే బాలీవుడ్లో మాత్రం బోల్డ్ హీరోయిన్ గా ముద్ర వేయించుకుంది. 

రాధిక ఆప్టే వెండితెరపై రాణిస్తూనే వెబ్ సీరిసుల్లో నటించింది. బోల్డ్ అండ్ హాట్ క్యారెక్టర్లను రాధిక ఆప్టే అవలీలాగా చేస్తుండటంతో ఆమెకు అలాంటి పాత్రలే వెతుక్కుంటూ వస్తున్నాయి. 

రాధిక ఆప్టే తన నటతోపాటు గ్లామర్ ఒలకపోయడంతో ఏమాత్రం వెనకడుగు వేయకపోవడంతో ఆమె ఇండియాలోనే క్రేజ్ హీరోయిన్ గా మారిపోయింది. ఇదిలా ఉంటే తాజాగా రాధికా ఆప్టే ఓ అరుదైన ఘనతను తన ఖాతాలో వేసుకుంది. 

వెబ్ వరల్డ్ లో రాణిస్తున్న 50 ఫిమేల్ లీడ్స్ పేర్లను పరిగణలోకి తీసుకొని ది ఇండియన్ ఇనిస్టిట్యూట్ ఆఫ్ హ్యూమన్ బ్రాండ్స్(ఐఐహెచ్‌బీ) ఓ సర్వే నిర్వహించి రాధిక ఆప్టేకు ‘క్వీన్ ఆఫ్ ఓటీటీ’గా ప్రకటించింది. 

ఓటీటీ వరల్డ్ లో రాధిక ఆప్టే నెంబర్ వన్ అంటూ ఐఐహెచ్‌బీ స్పష్టం చేసింది. పదిపాయింట్లకు గాను రాధిక ఆప్టేకు తొమ్మిది పాయింట్లు రావడంతో రాధిక ఆప్టే నెంబర్ ప్లేస్ ను దక్కించుకున్నట్లు పేర్కొంది.

రాధిక ఆప్టే తర్వాత ప్లేస్ లో సుస్మితా సేన్.. నోరా ఫతేహి 8.5 పాయింట్లతో రెండోస్థానంలో ఉన్నట్లు ఐఐహెచ్‌బీ ప్రకటించింది. రాధిక ఆప్టేను ‘క్వీన్ ఆఫ్ ది ఓటీటీ’గా ప్రకటించడంపై ఆమె అభిమానులు సంతోషం వ్యక్తం చేస్తున్నారు.