Tughlaq Durbar End starring Vijay Sethupathi Raashi Khanna

విజయ్ తో అందమైన జర్నీ ముగిసిందంటున్న రాశీకన్నా..!

• ‘తుగ్లక్ దర్బార్’ షూటింగ్ చివరిరోజు ఫోటోలను ట్వీటర్లో షేర్ చేసిన రాశీకన్నా

రాశి కన్నా(twitter/Raasi)

రాశీకన్నా తెలుగు.. తమిళ సినిమాల్లో నటిస్తూ బీజీగా హీరోయిన్ గా మారిపోయింది. 2013లో హిందీలో తెరకెక్కిన ‘మద్రాస్ కేఫ్’ మూవీతో రాశీకన్నా సినిమా రంగంలోకి ప్రవేశించింది. 

రాశికన్నా తొలి డబ్ల్యూ మూవీ హిందీ చిత్రసీమ నుంచే జరిగినప్పటికీ టాలీవుడ్.. కోలీవుడ్లోనే ఆమెకు ఎక్కువ గుర్తింపు లభించింది. దీంతో రాశికన్నా దక్షిణాది సినిమాలపైనే ఎక్కువ ఫోకస్ పెట్టింది. 

రాశికన్నా తెలుగులో ‘మనం’ మూవీలో గెస్ట్ అప్పిరన్స్ ద్వారా టాలీవుడ్ ప్రేక్షకులకు పరిచయమైంది. రాశికన్నా తెలుగులో హీరోయిన్ గా నటించిన తొలి చిత్రం మాత్రం అవసరాల శ్రీనివాస్ దర్శకత్వంలో వచ్చిన ‘ఊహలు గుసగుసలాడే’ మూవీనే కావడం విశేషం. 

‘ఊహాలు గుసగుసలాడే’ మూవీ రాశికన్నా మంచి నటన కనబర్చడంతో టాలీవుడ్లో ఆమెకు వరుస అవకాశాలు దక్కాయి. తెలుగు సినిమాల్లో నటిస్తూ కోలీవుడ్లోనూ క్రేజీ హీరోయిన్ గా రాశికన్నా మారిపోయింది. 

రాశికన్నా తమిళంలో తాజాగా నటిస్తున్న చిత్రం ‘తుగ్లాక్ దర్బార్’. ఈ మూవీలో విజయ్ సేతుపతికి జోడీగా రాశికన్నా నటిస్తోంది. ఈ మూవీ చివరిరోజు షూటింగ్ సందర్భంగా సెట్లో దిగిన కొన్ని ఫొటోలను రాశికన్నా తన ట్వీటర్లో షేర్ చేసింది. 

విజయ్ సేతుపతితో అందమైన జర్నీ ముగిసిందని రాశీకన్నా ట్వీట్ చేసింది. అలాగే దర్శకుడు ఢిల్లీ ప్రసాద్ దీన్ దయాళ్ కు థ్యాంక్స్ చెప్పింది. ఈ సినిమా థియేటర్లలో ఎప్పుడు వస్తుందా? అని అత్రుతగా ఎదరుచూస్తున్నట్లు పేర్కొంది. 

‘తుగ్లక్ దర్బార్’లో ముందుగా అదితిరావు హైదరీని హీరోయిన్ గా అనుకున్నారు. అయితే అనివార్య కారణాలతో అదితిరావు తప్పుకోవడంతో ఆ ఛాన్స్ రాశికన్నాకు దక్కింది. 

And it’s the end of another beautiful journey #TughlaqDurbar with the super talented @VijaySethuOffl sir! Thankyou @DDeenadayaln sir and team for making this such a memorable one! Can’t wait for you to see this one! @7screenstudio @proyuvraaj pic.twitter.com/NSSONeOK1w

— Raashi (@RaashiKhanna) January 7, 2021