Shruti Hassan gives clarity on his role in VakilSaab Movie

‘వకీల్ సాబ్’ లో హీరోయిన్ శృతిహాసన్ కాదా..!

• తన పాత్రపై అభిమానులకు ముందస్తుగానే క్లారిటీ ఇచ్చిన శృతిహాసన్

VakilSaab Movie in Sruthi Hasan Pavan Kalyan

పవర్ స్టార్ పవన్ కల్యాణ్ రీ ఎంట్రీ మూవీ ‘వకీల్ సాబ్’ షూటింగ్ ఇటీవలే పూర్తయింది. వేణు శ్రీరామ్ దర్శకత్వంలో తెరకెక్కిన ‘వకీల్ సాబ్’ మూవీని దిల్ రాజు..శ్రీదేవి భర్త బోనికపూర్ నిర్మించారు. ఈ మూవీని త్వరలోనే ప్రేక్షకుల ముందుకు తీసుకొచ్చేందుకు చిత్రయూనిట్ సన్నహాలు చేస్తుంది.

వకీల్ సాబ్ మూవీ టీజర్ ను జనవరి 14 సాయంత్రం 6.03నిమిషాల విడుదల చేయనున్నట్లు నిర్మాత దిల్ రాజు అధికారికంగా ప్రకటించారు. ఇప్పటికే ఈ మూవీకి సంబంధించి ట్రైలర్.. ఫస్టు లుక్.. సాంగ్స్ కు అభిమానుల నుంచి మంచి స్పందన లభించింది. పవన్ రీ ఎంట్రీ మూవీ కావడంతో ఈ సినిమా కోసం అభిమానులు ఆత్రుతగా ఎదురుచూస్తున్నారు.

పవన్ కల్యాన్ చివరి చిత్రం ‘అజ్ఞాతవాసి’. ఈ మూవీ ప్లాప్ టాక్ తెచ్చుకున్నప్పటికీ బాక్సాఫీస్ వద్ద కలెక్షన్లను రాబట్టింది. ఈ మూవీ తర్వాత పవన్ రాజకీయాల్లోకి వెళ్లారు. పవన్ పూర్తిగా సినిమాలకు దూరంగా ఉంటాడని అందరూ భావించారు. అయితే అభిమానుల కోరిక మేరకు పవర్ స్టార్ అటూ రాజకీయాల్లో కొనసాగుతూనే సినిమాల్లోనూ నటిస్తున్నారు. 

వకీల్ సాబ్ మూవీలో పవన్ కల్యాణ్ కు జోడీగా శృతిహాసన్ నటిస్తోంది. ఈ మూవీలో అంజలి.. నివేతా థామస్.. అనన్య పాండే హీరోయిన్లుగా నటిస్తున్నారు. ఈ సినిమా విడుదలకు ముందే శృతిహాసన్ తన పాత్రపై అభిమానులకు క్లారిటీ ఇచ్చే ప్రయత్నం చేసింది. వకీల్ సాబ్ మూవీలో తనది హీరోయిన్ పాత్ర కాదని.. కేవలం గెస్ట్ అప్పియరెన్స్ మాత్రం ఇచ్చినట్లు తాజాగా వెల్లడించింది. 

శృతిహాసన్-రవితేజ నటించిన ‘క్రాక్’ మూవీకి హిట్ రావడంపై శృతిహాసన్ ఆనందం వ్యక్తం చేసింది. ఈ సందర్భంగా ‘క్రాక్’ మూవీ విశేషాలతోపాటు ‘వకీల్ సాబ్’ మూవీలోని తన పాత్రపై శృతిహాసన్ క్లారిటీ ఇచ్చింది. ‘వకీల్ సాబ్’లో తన పుల్ లెంగ్త్ హీరోయిన్ పాత్ర కాదని.. కేవలం గెస్ట్ రోల్లో నటించినట్లు స్పష్టం చేసింది. 

తన పాత్ర నిడివి తక్కువ అయినప్పటికీ క్యారెక్టర్ బాగుండటం.. పవన్ కల్యాణ్ సినిమా అవకాశాన్ని వదులుకోలేకే సినిమాకు సైన్ చేసినట్లు శృతిహాసన్ వెల్లడించింది. అభిమానులు తన పాత్రపై భారీ అంచనాలు పెట్టుకొని నిరాశపడకుండా ముందస్తుగానే శృతిహాసన్ తన పాత్రపై క్లారిటీ ఇచ్చే ప్రయత్నం చేసినట్లు కన్పిస్తుంది. 

శృతిహాసన్ కు టాలీవుడ్ నుంచి భారీ ఆఫర్లు వస్తున్నాయి. అయితే ఆమె మాత్రం బాలీవుడ్ పై ఫోకస్ ఫెట్టినట్లు తెలుస్తోంది. బాలీవుడ్లో రెండు సినిమాల్లో నటించేందుకు శృతిహాసన్ కథాచర్చలు వింటుందని సమాచారం. త్వరలోనే దీనిపై అధికారిక ప్రకటన వచ్చే అవకాశం కన్పిస్తోంది.