The Girl On the Train: Did you notice what was in Parineeti Chopra's hands?

ది గర్ల్ ఇన్ ది ట్రైన్.. పరిణీతి చోప్రా చేతిలో ఏముందో గమనించారా?

• ఒంటిగాయాలతో డిప్రెషన్లో లోనై పరిణీతి మద్యానికి బానిస అయిందా..!

The Girl On The Train Parineeti Chopra

బాలీవుడ్ నటి పరిణీతి చోప్రా తాజాగా నటిస్తున్న చిత్రం ‘ది గర్ల్ ఇన్ ది ట్రైన్’. పరిణీతి చోప్రా చాలారోజుల తర్వాత మళ్లీ నటనకు ప్రాధాన్యం ఉన్న పాత్రలో కన్పించబోతోంది. కొన్నేళ్లుగా పరిణీతి చోప్రా గ్లామర్ పాత్రలకే పరిమితం కావడంతో ఆమెకు ఎక్కువగా అలాంటి పాత్రలకే వచ్చాయి. ఈక్రమంలోనే దర్శకుడు రిబూదాస్ పరిణీతి చోప్రాను తన సినిమాలో తీసుకోవడం ఆసక్తికరంగా మారింది. 

గ్లామర్ హీరోయిన్ గా దూసుకెళుతున్న పరిణీతిచోప్రాతో ది గర్ల్ ఇన్ ది ట్రైన్ మూవీని రిబూ దాస్ తెరకెక్కించాడు. ఈ మూవీ టీజర్ ఇటీవలే రిలీజై మంచి టాక్ సంపాదించుకుంది. ఈ సినిమాకు పరిణీతి చోప్రా నటనే కీలకంగా మారింది. ది గర్ల్ ఇన్ ది ట్రైన్ టీజర్ ఆద్యంతం పరిణీతి నటనే హైలెట్ గా నిలిచింది. 

ది గర్ల్ ఇన్ ది ట్రైన్ మూవీ పరిణీతి చోప్రా భర్త నుంచి విడాకులు తీసుకొని డిప్రెషన్ కు గురయ్యే మహిళగా నటిస్తుంది. ఇదే సమయంలో పరిణీతి ఓ మర్డర్ మిస్టరీలో ఇరుక్కుపోతుంది. దీని నుంచి ఆమె ఎలా బయటపడిందనేది సస్పెన్స్ ను తలపించేలా దర్శకుడు రిబూదాస్ తెరకెక్కించినట్లు తెలుస్తోంది. 

ది గర్ల్ ఇన్ ది ట్రైన్ మూవీని నెట్ ఫిక్స్ లో ఫిబ్రవరి 26న ప్రపంచ వ్యాప్తంగా స్ట్రీమింగ్ చేయనున్నారు. ఇదిలా ఉంటే పరిణీతి చోప్రా తన ట్వీటర్లో ఓ పిక్ షేర్ చేసింది. ఈ ఫొటోలో పరిణీతి ఒంటిపై గాయాలున్నాయి. ఆమె స్వెటర్ వేసుకొని.. చేతిలో వైన్ బాటిల్ పట్టుకుని నడుచుకుంటూ వెళుతున్నట్లు కన్పించింది. 

పరిణీతిచోప్రా భర్త నుంచి విడిపోయాక పూర్తిగా డిప్రెషన్ కు లోనై ఆల్కాహాల్ కు బానిస అయినట్లు కన్పిస్తోంది. దీంతో ఆమె ఆల్కాహాల్ అడిక్ట్ నుంచి.. మర్డర్ మిస్టరీ నుంచి ఎలా తప్పించుకుందనే ఆసక్తి అభిమానుల్లో నెలకొంది. ఇక ఈ మూవీలో పరిణీతి చోప్రాతోపాటు అదితిరావు హైడరి.. కీర్తి కుల్హారి.. అనినాష్ తివారీ ముఖ్య పాత్రల్లో నటిస్తున్నారు. ఈ మూవీ ట్రైలర్ త్వరలోనే విడుదల కానుంది.