Kajal Kichulu Live Telecast on Telecast Hot Star on February 12

 అభిమానులను భయపెట్టనున్న కాజల్ అగర్వాల్..!

• లైవ్ టెలికాస్ట్ అనే హర్రర్ వెబ్ సిరీసులో తొలిసారి నటిస్తున్న కాజల్

Kajal Kichulu Live Telecast

కాజల్ అగర్వాల్ దక్షిణాదిలో టాప్ హీరోయిన్ గా కొనసాగుతోంది. కాజల్ అగర్వాల్ సినిమా ఇండస్ట్రీలోకి వచ్చి 16ఏళ్లు గడిచిపోయినా అవకాశాలు ఏమాత్రం తగ్గడం లేదు. కాజల్ అగర్వాల్ ఇటీవలే బడా పారిశ్రామికవేత్త గౌతమ్ కిచులును పెళ్లి చేసుకొని కాజల్ కిచులుగా మారిపోయింది. 

కాజల్ కిచులు పెళ్లి తర్వాత కూడా సినిమాల్లో నటిస్తాననే వివాహానికి ముందుగానే అభిమానులకు హామీ ఇచ్చింది. ఈమేరకు సినిమాల్లో నటిస్తూనే వెబ్ సిరీసులపై కాజల్ కిచులు ఫోకస్ పెట్టినట్లు తెలుస్తోంది. దీనిలో భాగంగానే కాజల్ కిచులు తొలిసారి వెబ్ సిరీసులో నటిస్తోంది. 

కాజల్ కిచులు ఇప్పటివరకు హర్రర్ జోనర్లో సినిమాలు చేయలేదు. అయితే తన తొలి వెబ్ సిరీసులోనే ఆ లోటును భర్తీ చేసేందుకు కాజల్ అగర్వాల్ సిద్ధపడింది. లైవ్ టెలికాస్ట్(ప్రత్యక్ష ప్రసారం) అనే వెబ్ సిరీసులో కాజల్ అగర్వాల్ జెన్నీగా నటిస్తూ అభిమానులను భయపెట్టేందుకు సిద్ధమైంది. 

లైవ్ టెలికాస్ట్ వెబ్ సిరీసును వెంకట్ ప్రభు హర్రర్ జోనర్లో తెరకెక్కించాడు. ఇందులో కాజల్ కిచులు జెన్నీ(డైరెక్టర్)గా నటిస్తోంది. ఓ టీవీ షో చేసే క్రమంలో జెన్నీ ఓ పెద్ద ఇంట్లో ఇరుక్కుపోతుంది. అతీంద్రియ శక్తులున్న ఆ ఇంట్లోనే జెన్నీ ఓ సూపర్ హిట్ చేసే రూపొందించేందుకు సిద్ధపడుతోంది. టీవీ సిబ్బంది అంతా ఎలా ఇబ్బందులు ఎదుర్కున్నారనేది కథగా తెలుస్తోంది. 

లైవ్ టెలికాస్ట్ వెబ్ సిరీసులు కాజల్ కిచులుతోపాటు వైభవ్.. ఆనంది ప్రధాన పాత్రల్లో నటిస్తున్నారు. జెన్నీ పాత్ర నటిగా తనకు చాలా సవాల్ విసిరిందని.. హర్రర్ సినిమాలు చూసేవారికి లైవ్ టెలికాస్ట్ బాగా నచ్చుతుందని కాజల్ కిచులు తెలిపింది. ఫిబ్రవరి 12న లైవ్ టెలికాస్ట్ వెబ్ సిరీస్ డిస్నీ ప్లస్ హాట్ స్టార్ లో టెలికాస్ట్ కానుంది.

కాజల్ కిచులు ప్రస్తుతం ఆచార్యలో చిరంజీవి జోడీగా నటిస్తోంది. దీంతోపాటు మంచు విష్ణు సరసన మోసగాళ్లు.. కమలహాసన్ సరసన భారతీయుడు-2.. ముంబై సాగా వంటి సినిమాల్లో నటిస్తూ బీజీగా ఉంది. ఓవైపు సినిమాలు చేస్తూ వెబ్ సిరీసుల్లో నటిస్తున్న కాజల్ కిచు ఓటీటీలోనూ రాణించాలని అభిమానులు కోరుకుంటున్నారు.

Also Read: డిజిటల్ ఎంట్రీకి సిద్ధమవుతున్న కాజల్ అగర్వాల్

Also Read: ఆచార్య కటౌట్ కు మెగా పవర్ స్టార్ వాయిస్ ఓవర్ అదుర్స్..!