TruJet launches flights under the name True Republic Day

‘ట్రూ రిపబ్లిక్ డే’ పేరిట విమాన సర్వీసులు ప్రారంభించిన ట్రూజెట్

• జనవరి 23నుంచి 27మధ్య టికెట్ బుకింగ్ చేసుకోవచ్చని ప్రకటించిన ట్రూజెట్

Trujet Airlines

ప్రముఖ విమానయాన రంగ సంస్థ ట్రూజెట్ దేశీయంగా పలు సర్వీసులను నడుపుతోంది. కేంద్రం ప్రారంభించిన ఉడాన్ పథకంలో భాగంగా ట్రూజెట్ దేశంలోని 21 కేంద్రాల్లో విమాన సర్వీసులను అందిస్తోంది. వీటిలో తెలుగు రాష్ట్రాల్లోని నగరాలు సైతం ఉన్నాయి. 

జనవరి 26న గణతంత్ర దినోత్సవాన్ని పురస్కరించుకొని ట్రూజెట్ సంస్థ ట్రూ రిపబ్లిక్ పేరిట విమాన ప్రయాణీకులకు ఆఫర్ ను  ప్రకటించింది. ట్రూ రిపబ్లిక్ ఆఫర్లలో భాగంగా జనవరి 23నుంచి 27వరకు టికెట్ బుకింగ్ చేసుకోవాలని ట్రూజెట్ స్పష్టం చేసింది. 

టూ రిప్లబ్లిక్ ఆఫర్ రూ.928 నుంచి ప్రారంభం అవుతాయని.. దీనికి అదనంగా ఉన్న పన్నులను ప్రయాణీకులే చెల్లించాల్సి ఉంటుందని ట్రూజెట్ పేర్కొంది. జనవరి 23నుంచి 27వరకు టికెట్ బుకింగ్ చేసుకున్న వారికి ఏప్రిల్ 1 నుంచి అక్టోబర్ 20వరకు ప్రయాణ కాలం ఉంటుందని తెలిపింది. 

ట్రూజెట్ ను హైదరాబాద్ కు చెందిన టర్బో మేఘా ఎయిర్ వేస్ ప్రమోట్ చేస్తుంది. కరోనా కారణంగా విమాన రంగం కుదేలైంది. ఇప్పుడిప్పుడే ఈ రంగం కోలుకునేందుకు యత్నిస్తోంది. దీనిలో భాగంగా ప్రయాణీకులను ఆకట్టుకునేలా మంచి ఆఫర్లను ప్రకటిస్తున్నాయి.