Vidya Balan's Natkhat in Race for oscars-2021

 ఆస్కార్ బరిలో విద్యాబలన్ మూవీ..!

• 2021 ఏడాదిగాను బెస్ట్ షార్ట్ ఫిలీం కేటగిరిలో నిలిచిన నట్ కట్

Actress Vidya Balan

బాలీవుడ్ నటి విద్యాబాలన్ గురించి సినీప్రియులకు ప్రత్యేకంగా చెప్పాల్సిన పనిలేదు. విద్యాబాలన్ గ్లామర్ పరంగానే కాకుండా యాక్టింగ్ పరంగా అభిమానులను అలరిస్తూ ఉంటుంది.

విద్యాబాలన్ పెళ్లికి ముందు బోల్డ్ హీరోయిన్ గా బాలీవుడ్లో గుర్తింపు తెచ్చుకుంది. ‘ది డర్టీ పిక్చర్’ మూవీలో ఉల్లాలా.. ఉల్లాలా అంటూ అలరించింది. అలాగే నటనకు ప్రాధాన్యం ఉన్న సినిమాల్లో హీరోయిన్ నటించి బాలీవుడ్లో క్రేజీ హీరోయిన్ గా మారిపోయింది. 

విద్యాబాలన్ పెళ్లి చేసుకున్న తర్వాత గ్లామర్ డోస్ ను తగ్గించింది. బాలీవుడ్లో యంగ్ హీరోయిన్ల హవా పెరిగిపోవడంతో విద్యాబాలన్ ప్రస్తుతం క్యారెక్టర్ ఆర్టిస్టు పాత్రల్లోనే నటిస్తోంది.  

ఈక్రమంలోనే విద్యాబాలన్ వదిన.. తల్లి.. అత్త.. అక్క పాత్రల్లో నటిస్తూనే నిర్మాతగా మారింది. 2021లో విద్యాబాలన్ ‘నట్ కట్’ అనే షార్ట్ ఫిలీంలో నటించడంతోపాటు నిర్మాతగా వ్యవహరించారు. 

విద్యాబలన్ నిర్మాతగా వ్యహరించిన తొలి చిత్రం నట్ కట్ 2021 షార్ట్ ఫిలీం ఆస్కార్ అవార్డు రేసులో నిలిచింది. ఇందులో విద్యాబాలన్ తల్లి పాత్రలో నటించింది. ఆడవారిని ఎలా గౌరవించాలి.. చుట్టూ పరిసరాల వల్ల పిల్లల్లో ఏర్పడే చెడు ప్రవర్తన.. లింగవివక్షతను ఈ షార్ట్ ఫిలీంలో చక్కగా చూపించారు. 

2021 ఏడాదిలో బెస్ట్ షార్ట్ ఫిలీం కేటగిరిలో నట్ కట్ షార్ట్ ఫిలీం నిలువడంపై నిర్మాణ సంస్థ ఆర్ఎస్వీపీ, సీనియర్ హీరోయిన్ విద్యాబాలన్ తన సంతోషాన్ని వ్యక్తం చేశారు. ఈ ఫిలీం ఆస్కార్ అవార్డును దక్కించుకోవాలని సినీ ప్రియులు కోరుకుంటున్నారు.