సంక్రాంతి కానుకగా రిలీజైన ఉప్పెన టీజర్
- సోషల్ మీడియాలో ట్రెండింగ్ అవుతున్న ఉప్పెన టీజర్
 |
| Uppena Movie Official Teaser |
ఉప్పెన మూవీ ద్వారా మెగా ఫ్యామిలీ నుంచి మరో హీరో టాలీవుడ్ కు పరిచయం అవుతున్నాడు. మెగాస్టార్ చిరంజీవి మేనల్లుడు సాయిధరమ్ తేజ్ తమ్ముడు వైష్ణవ్ తేజ్ ఉప్పెనలో హీరోగా నటిస్తున్న కీర్తిశెట్టి హీరోయిన్ గా నటిస్తుంది. వీరిద్దరికి ఉప్పెన మూవీనే తొలి చిత్రం కావడం విశేషం.
ఉప్పెన మూవీని కిందటేడాది రిలీజ్ చేసేందుకు చిత్రయూనిట్ సన్నహాలు చేసింది. అయితే కరోనా కారణంగా థియేటర్లు మూతపడటంతో సినిమా వాయిదా పడుతూ వస్తోంది. ప్రస్తుతం థియేటర్లు ఓపెన్ కావడంతోనే త్వరలోనే సినిమాను రిలీజ్ చేయాలని చిత్రయూనిట్ భావిస్తోంది.
సంక్రాంతిని పురస్కరించుకొని ఉప్పెన మూవీ టీజర్ ను తాజాగా చిత్రయూనిట్ రిలీజ్ చేసింది. 1.24నిమిషాల నిడివితో విడుదలైన ఈ టీజర్ ఆద్యంతం ఆకట్టుకుంటుంది. వైష్ణవ్ తేజ్.. కీర్తి శెట్టి మధ్య లవ్ సీన్స్ ఆకట్టుకున్నాయి. టీజర్ ను చూస్తే వీరిద్దరి లవ్ స్టోరీ విషాదంగా ముగుస్తుందా? అన్న సందేహం కలుగకమానదు.
ఉప్పెన టీజర్లోని డైలాగులు అభిమానులకు కనెక్టయ్యేలా ఉన్నాయి. దేవుడే వరాలిస్తాడని నాకు అర్థం అయింది.. ఎవరికి పుట్టామన్నది మనకు తెలుస్తుంది.. కానీ నాకు మాత్రం ఎవరి కోసం పుట్టానో చిన్నప్పుడే తెలిసిపోయిందని వైష్ణవ్ తేజ్ చెబుతాడు. దీంతో చిన్నప్పటి నుంచి వైష్ణవ్ తేజ్ కు కీర్తిశెట్టి అంటే ఇష్టమని తెల్సిపోతుంది.
కీర్తిశెట్టి ‘లవ్ యూ ఐ’ సముద్రం ఒడ్డున రాసి.. మన మధ్యలో ప్రేమ ఎందుకని పక్కకు పెట్టినట్లు చెప్పడం ద్వారి వీరిద్దరి ఎంత గాఢమైన ప్రేమనో టీజర్ ద్వారా తెలియజేశారు. ఇక చివరల్లో హీరో సముద్రం ఒడ్డుకు కొట్టుకురావడం కన్పిస్తోంది. దీంతో హీరోకు ఏం జరిగి ఉంటుందనే ఆసక్తి నెలకొంది. మొత్తానికి సంక్రాంతికి కానుకగా విడుదలైన ఉప్పెన టీజర్ సినిమాపై మరింత అంచనాలను పెంచేసింది.
Also Read: కరీనా కపూర్ పాటకు జాన్వీ కపూర్ బెల్లీ డాన్స్
0 Comments