Good Luck Sakhi Official Release date Announcement

 గుడ్ లక్ సఖి రిలీజ్ డేట్ అనౌన్స్ చేసిన కీర్తి సురేష్

Good Luck Sakhi Release Date: మహానటి కీర్తి సురేష్ తాజాగా నటిస్తున్న చిత్రం ‘గుడ్ లక్ సఖి’. ఈ మూవీకి సంబంధించిన రిలీజ్ డేట్ ను చిత్రయూనిట్ డిక్లేర్ చేసింది. ఈమేరకు కీర్తి సురేష్ తన ట్వీటర్లో గుడ్ సఖి రిలీజ్ డేట్ తో కూడిన పోస్టర్ ను ట్వీట్ చేసింది. 2021 జూన్ 3న గుడ్ లక్ సఖి ప్రేక్షకుల ముందుకు రాబోతుందని.. ఈ డేట్ ను అభిమానులు సేవ్ చేసుకోండి అంటూ కీర్తి సురేష్ పేర్కొంది. 

గుడ్ లక్ సఖి మూవీలో కీర్తి సురేష్ లేడి ఓరియేంటేడ్ పాత్రలో నటిస్తోంది. యంగ్ హీరో ఆది పినిశెట్టి.. సీనియర్ నటుడు జగపతి బాబు.. రాహుల్ రామకృష్ణ తదితరులు ముఖ్య పాత్రల్లో కన్పించబోతున్నారు. గుడ్ లక్ సఖి మూవీని జాతీయ అవార్డు గ్రహీత కుకునూర్ నగేష్ తెరకెక్కిస్తున్నారు. అగ్ర నిర్మాత దిల్ రాజు సమర్పణలో సుధీర్.. శ్రావ్యవర్మలు సినిమాను నిర్మిస్తున్నారు. 

గుడ్ లక్ సఖి మూవీ ప్యాన్ ఇండియా మూవీగా రాబోతుంది. తెలుగు, తమిళ్, మలయాళీ భాషల్లో వరల్డ్ వైడ్ గా గుడ్ లక్ సఖి రిలీజ్ కానుంది. ఈ మూవీకి దేవీశ్రీ ప్రసాద్ సంగీతం అందించాడు. కాగా ఆగస్టు 15న రిలీజైన గుడ్ లక్ సఖి టీజర్ మూవీపై అంచనాలను పెంచేసింది. ప్రస్తుతం కీర్తి సురేష్ గుడ్ లక్ సఖితోపాటు నితిన్ తో ‘రంగ్ దే’.. మహేష్ బాబుతో కలిసి ‘సర్కారువారిపాట’లో నటిస్తోంది.