Prabhas Fans revolt over Salaar Movie release date

 సలార్ పై ప్రభాస్ ఫ్యాన్స్ తిరుగుబాటు..!

• అంతకాలం వెయిట్ చేయలేమంటున్న ‘డార్లింగ్’ ప్యాన్స్

యంగ్ రెబల్ స్టార్.. డార్లింగ్ ప్రభాస్ ‘సలార్’ మూవీ డేట్ ను తాజాగా చిత్రబృందం ప్రకటించింది. ఈ మూవీ రిలీజ్ డేట్ ను ఆదివారం మధ్యాహ్నం ప్రకటించనున్నట్లు హీరోయిన్ శృతిహాసన్ ముందుగానే ప్రకటించింది. దీంతో సలార్ మూవీ రిలీజ్ డేట్ పై అభిమానులతోపాటు మీడియా పలురకాల ఊహగానాలను ప్రసారం చేసింది. 

సలార్ మూవీని 2022 సమ్మర్ కానునగా తీసుకు రానున్నట్లు చిత్రబృందం అధికారికంగా ప్రకటించింది. ఏప్రిల్ 14న వరల్డ్ వైడ్ గా సలార్ మూవీ విడుదల చేయనున్నట్లు చిత్రయూనిట్ ప్రకటించింది. అయితే ఫ్యాన్స్ మాత్రం 2022 సంక్రాంతి కానుకగా మూవీ వస్తుందని భావించారు. దీంతో #Salar Sankranti పేరిట సోషల్ మీడియాలో హల్చల్ చేశారు. 

తీరా సలార్ టీమ్ సినిమాను సమ్మర్ కానుకగా తీసుకురానున్నట్లు ప్రకటించడంతో అభిమానులు అంతకాలం వెయిట్ చేయలేమంటూ కామెంట్స్ చేస్తున్నారు. దీంతో దర్శకుడు ప్రశాంత్ నీల్ సైతం ‘ప్రపంచవ్యాప్తంగా # సలార్ తిరుగుబాటు .. 2022 ఏప్రిల్ 14న. మేము వేడుకలు జరుపుకోవడానికి వేచి ఉండలేం.. మీ అందరితో’ అంటూ ప్రశాంత్ నీల్ ట్వీట్ చేశారు.

Also Read: ఆర్ఆర్ఆర్ ను బీట్ చేసేది ‘సలార్’..!

దీంతో ఈ మూవీ రిలీజ్ డేట్ చివరి నిమిషంలో మారే అవకాశం ఉన్నట్లు తెలుస్తోంది. ఇక కేజీఎఫ్ డైరెక్టర్ ప్రశాంత్ నీల్-ప్రభాస్ కాంబినేషన్లో మూవీ వస్తుండటంతో అభిమానులు ‘సలార్’ మూవీపై భారీ అంచనాలు పెట్టుకున్నారు. ఇందులో ప్రభాస్ కు జోడీగా శృతిహాసన్ నటిస్తోంది. దీంతోపాటు ప్రభాస్ ‘ఆదిపురుష్’.. నాగ్ అశ్విన్ తో ఓ సైంటిఫిక్ మూవీలో నటిస్తున్నాడు.

ప్రభాస్ తాజాగా నటిస్తున్న ‘రాధేశ్యామ్’ మూవీతో త్వరలోనే రిలీజ్ కు రెడీ అవుతోంది. ఇందులో ప్రభాస్ సరసన బుట్టబొమ్మ పూజాహెగ్డే నటిస్తోంది. ప్రభాస్ వరుస ప్యాన్ ఇండియా సినిమాలతో బీజీగా మారడంతో డార్లింగ్ ఫ్యాన్స్ సైతం ఖుషీ అవుతున్నారు. 

Also Read: కేజీఎఫ్-2 రిలీజ్ డేట్ పై క్లారిటీ వచ్చేసినట్టే..!