Cobra Teaser goes Trending| Cobra Teaser goes Viral

విక్రమ్ మరో ప్రయోగం.. ‘కోబ్రా’ టీజర్ అదిరిపోయింది..!

Cobra Teaser Trending

చియాన్ విక్రమ్ నుంచి అభిమానులు ఏదైతే కోరుకుంటారో దానినే దర్శకుడు ఆర్.అజయ్ జ్ఞానముత్తు ‘కోబ్రా’లో అదే చూపించారు. ప్రయోగాత్మక సినిమాలకు పెద్దపీఠ వేసే విక్రమ్ ‘కోబ్రా’తో మరో ప్రయోగం చేసినట్లు కన్పిస్తోంది. 

విక్రమ్ నుంచి గతంలో వచ్చిన ‘శివపుత్రుడు’..‘అపరిచితుడు’.. ‘మల్లన్న’.. ‘ఐ’ సినిమాలు తమిళ, తెలుగు ప్రేక్షకులను ఎంతగానో అలరించాయి. ఈక్రమంలోనే విక్రమ్ తాజాగా మరో ఇంట్రెస్టింగ్ కథతో ‘కోబ్రా’గా ప్రేక్షకుల ముందుకు రాబోతుంది. 

సంక్రాంతి పండుగకు ముందుగానే ‘కోబ్రా’ చిత్రయూనిట్ అభిమానులకు కానుకను తీసుకొచ్చింది. శనివారం ‘కోబ్రా’ టీజర్ ను అభిమానులకు సంక్రాంతి శుభాకాంక్షలు తెలియజేసింది. 

1.47నిమిషాల నిడివితో విడుదలైన కోబ్రా టీజర్ మొదటి సీన్ నుంచి చివర వరకు చాలా ఇంట్రెస్టింగ్ గా అనిపించింది. సస్సెన్స్.. యాక్షన్ థిల్లర్ గా ‘కోబ్రా’ మూవీ రాబోతుందని టీజర్ చూస్తేనే అర్థమవుతోంది. 

కోబ్రాలో చియాన్ విక్రమ్ ఓ జినియస్ మ్యాథమెటీషియన్ గా కన్పించాడు. లోకంలోని ప్రతీ సమస్యకు మ్యాథమెటిక్స్ ద్వారా పరిష్కారం చూపుతుంటాడు. మరోవైపు తన తెలివి తేటలతో క్రైమ్ చేసే వాడిలా కన్పించాడు. 

రకరకాల గెటప్స్ తో క్రైమ్స్ కు పాల్పడుతున్న విక్రమ్ ను పట్టుకునే క్యారెక్టర్లో ప్రముఖ క్రికెటర్ ఇర్ఫాన్ ఖాన్ నటించాడు. ఇంటర్ పోల్ ఆఫీసర్ అస్లాన్ ఇల్మాజ్ పాత్రలో ఇర్ఫాన్ నటించడం కొత్తగా కన్పించాడు. 

కోబ్రా మూవీలో విక్రమ్ కు జోడీగా శ్రీనిధి శెట్టి నటిస్తోంది. అదేవిధంగా మృణాళిని.. కనికా.. పద్మప్రియ.. కేఎస్ రవికుమార్.. బాబు ఆంటోనిలు కీలక పాత్రల్లో కన్పించబోతున్నాడు. 

కోబ్రాకు ప్రముఖ సంగీత దర్శకుడు ఏఆర్ రహమాన్ అద్భుతమైన సంగీతాన్ని అందించాడు. కోబ్రా మూవీని సెవన్ స్క్రీన్ స్టూడియో బ్యానర్లో ఎస్ఎస్ లలిత్ కుమార్ నిర్మిస్తున్నారు. కరోనాతో వాయిదా ‘కోబ్రా’ షూటింగ్ ఇటీవలే తిరిగి ప్రారంభమైంది. 

Also Read: యూట్యూబ్లో వరల్డ్ రికార్డు నెలకొల్పిన కేజీఎఫ్-2 టీజర్