Prabhas Salaar movie beats RRR movie

 ‘ఆర్ఆర్ఆర్’ ను బీట్ చేసేది ‘సలార్’..!

• ప్రభాస్ సలార్ మూవీ పూజా కార్యక్రమానికి హాజరుకానున్న కన్నడ రాక్ స్టార్ యష్

Prabhas Salaar movie 

యంగ్ రెబల్ స్టార్.. డార్లింగ్ ప్రభాస్ ‘బాహుబలి’ సినిమాతో టాలీవుడ్ స్టామీనా ప్రపంచానికి చాటిచెప్పాడు. బాలీవుడ్ ఇండస్ట్రీని మించేలా టాలీవుడ్లో నిర్మించిన ‘బాహుబలి‘.. ‘బాహుబలి-2’ సినిమాలు విడుదలైన అన్ని భాషల్లో రికార్డు కలెక్షన్లు సాధించిన టాలీవుడ్ సత్తా అందరికీ రుచిచూపించింది. 

బాహుబలి తర్వాత ప్రభాస్ ప్యాన్ ఇండియా స్టార్ మారిపోయాయి. బాహుబలి సిరీసుల తర్వాత ప్రభాస్ వరుసగా అన్ని ప్యాన్ ఇండియాల్లో మూవీల్లో నటిస్తూ తన క్రేజ్ ను పెంచుకుంటూ పోతున్నాడు. ప్రభాస్ నటించిన ‘సాహో’ టాలీవుడ్లో మిక్సడ్ రెస్పాన్స్ తెచ్చుకోగా బాలీవుడ్లో మాత్రం భారీ కలెక్షన్లు సాధించారు. 

ప్రభాస్ యాక్షన్ కు ఉత్తరాది ప్రేక్షకులు ఫిదా అయ్యారు. దీంతో బాలీవుడ్లోనూ ప్రభాస్ కు భారీ ఫ్యాన్ ఫాలోయింగ్ పెరిగింది. ఈ మూవీ తర్వాత ప్రభాస్ ‘రాధేశ్యామ్’ మూవీలో నటిస్తున్నాడు. ఈ మూవీలో ప్రభాస్ కు జోడీగా బుట్టబొమ్మ పూజా హెగ్డే నటిస్తోంది. అందమైన ప్రేమ కథతో తెరకెక్కుతున్న ‘రాధేశ్యామ్’ మూవీ త్వరలోనే ప్రేక్షకులను ముందుకు రాబోతుంది. 

రాధేశ్యామ్ తర్వాత ప్రభాస్ ‘మహానటి’ దర్శకుడు నాగ్ అశ్విన్ తో ఓ సైంటిఫిక్ మూవీలో.. బాలీవుడ్ దర్శకుడు ఓం రావత్ తో కలిసి ‘ఆదిపురుష్’లో నటించేందుకు గ్రీన్ సిగ్నల్ ఇచ్చారు. ఇందులో ‘ఆదిపురుష్’ క్రేజీ అప్డేట్స్ తో డార్లింగ్ ఫ్యాన్స్ ను ఆకట్టుకుంటోంది. ఈ మూవీలో ప్రభాస్ రాముడిగా.. సైఫ్ అలీఖాన్ రావణాసూరిడిగా నటిస్తున్నాడు. సీత పాత్రపై క్లారిటీ రావాల్సి ఉంది. 

ఈ రెండు మూవీలు లైన్లో ఉండగానే ప్రభాస్ క్రేజీఎఫ్ దర్శకుడు ప్రశాంత్ నీల్ తో ‘సలార్’ మూవీ చేసేందుకు రెడీ అయ్యాడు. సలార్ మూవీ ఫస్టు లుక్ ఇటీవల రిలీజైంది. సలార్ కటౌట్ చూస్తే ఫుల్ యాక్షన్ మూవీగా రాబోతుందని అర్థమవుతోంది. దీంతో ఈ మూవీపై ఫ్యాన్స్ భారీ అంచనాలు పెట్టుకున్నారు. 

సలార్ మూవీ ఫూజా కార్యక్రమం జనవరి 15(నేడు) హైదరాబాద్లో 11గంటలకు లాంఛనంగా ప్రారంభించేందుకు హోంబలే ఫిలింస్ సన్నహాలు చేస్తోంది. విజయ్ కిరగందూర్ నిర్మిస్తున్న సలార్ మూవీని దర్శకుడు ప్రశాంత్ నీల్ భారీ బడ్జెట్లో తెరకెక్కిస్తున్నాడు. సలార్ పూజా కార్యక్రమంలో క‌ర్ణాట‌క ఉప ముఖ్యమంత్రి అశ్వ‌త్ నారాయ‌ణ్ సీఎన్‌.. ద‌ర్శ‌కధీరుడు ఎస్‌.ఎస్‌.రాజ‌మౌళి.. క‌న్న‌డ రాకింగ్ స్టార్ య‌ష్, ఇత‌ర సినీ ప్ర‌ముఖులు హాజ‌రు కానున్నారు.

సలార్ మూవీ పూజా కార్యక్రమం నేడు ప్రారంభం కానుండటంపై ప్యాన్ ఇండియా స్టార్ ప్రభాస్ స్పందించాడు. ‘సలార్ వంటి ఓ క్రేజీ ప్రాజెక్ట్ పూజా కార్య‌క్ర‌మాలు ముగిసి షూటింగ్ ఎప్పుడు స్టార్ట్ చేస్తామా?.. నా లుక్‌ను అభిమానులకు ఎప్పుడు రిలీజ్ చేస్తామా? అని చాలా ఎగ్జ‌యిటింగ్‌గా ఉందని’ ట్వీట్ చేశాడు. త్వరలోనే విడుదలకానున్న ఆర్ఆర్ఆర్ కలెక్షన్లను సలార్ మూవీ క్రాస్ చేస్తుందనే టాక్ అభిమానుల నుంచి విన్పిస్తోంది.