Rana Daggupati Mission Frontline on Feb 21st discovery plus

 ఆర్ యూ రెడీ.. రానా దగ్గుపాటి మిషన్ ఫ్రంట్ లైన్..!

• బీఎస్ఎఫ్ సోల్జర్ గా బోర్డర్లో గస్తీగాచిన రానా దగ్గుపాటి

Rana Daggupati Mission Frontline

రానా దగ్గుపాటి టాలీవుడ్లో ‘లీడర్’ సినిమాతో ఎంట్రీ ఇచ్చాడు. తొలి సినిమాతోనే మంచి నటన కనబర్చి లక్షలాది మంది అభిమానులను సంపాదించుకున్నాడు. రానా దగ్గుపాటి తెలుగులోపాటు బాలీవుడ్లోనూ పలు సినిమాల్లో నటించాడు. రాజమౌళి దర్శకత్వంలో వచ్చిన ‘బాహుబలి’లో భళ్లలదేవుడిగా నటించి ప్యాన్ ఇండియా స్టార్ గా మారిపోయాడు. 

రానా దగ్గుపాటి ప్రయోగాత్మక సినిమాలు చేయడంలో ముందుంటాడు. విభిన్న కథలను ఎంచుకుంటూ ముందుకు సాగుతుంటాడు. ‘బాహుబలి’ తర్వాత రానా దగ్గుపాటి ‘అరణ్య’ మూవీలో మావటివాడిగా నటించి మెప్పించాడు. రానా ఇటీవలే మిహికా బజాజ్ ను పెళ్లి చేసుకొని వివాహా జీవితాన్ని సంతోషంగా గడుపుతున్నాడు. 

రానా దగ్గుపాటి తాజాగా డిస్కవరి ప్లస్ ఛానల్ రూపొందించిన ‘మిషన్ ఫ్రంట్ లైన్’ లో నటించాడు. దేశ సరిహద్దుల్లో బీఎస్ఎఫ్ సోల్జర్స్ ట్రైనింగ్.. రోజంతా ఎలా గడుపుతారు.. శత్రుమూకలను ఎలా తరిమికొడుతారు.. వంటి వాటితో డిస్కవరీ ప్లస్ ప్రత్యేక డాక్యుమెంటరీ రూపొందించగా ఇందులో రానా దగ్గుపాటి నటించాడు. 

మిషన్ ఫ్రంటలైన్ కు సంబంధించిన వీడియోను రానా తన ట్వీటర్లో తాజాగా విడుదల చేశారు. 1.10నిమిషాల నిడివిగా ఈ వీడియోలో రానా దగ్గుబాటి బీఎస్ఎఫ్ సోల్జర్ గా కన్పించాడు. బీఎస్ఎఫ్ జవాన్లతో కలిసిపోయి వారితోనే ట్రైనింగ్ తీసుకున్నాడు. బోర్డర్లో శత్రుమూకలను తరిమికొట్టే మిషన్లో రానా దగ్గపాటి పాల్గొన్నాడు. 

మొత్తానికి మిషన్ ఫ్రంట్ లైన్ బీఎస్ఎఫ్ జవాన్లు దేశానికి ఎలాంటి సేవలందిస్తున్నారో కళ్లకు కట్టినట్లు చూపించే ప్రయత్నం చేసింది. ఈ డాక్యుమెంటరీని డిస్కవరీ ప్లస్ ఛానల్ జనవరి 21న ప్రీమియర్ గా టెలికాస్ట్ చేయనుంది. మిషన్ ఫ్రంట్ లైన్లో తాను భాగస్వామ్యం అయినందుకు సంతోషంగా ఉందని రానా దగ్గుపాటి ట్వీట్ చేశాడు. 

Being in the @BSF_India is not easy! Drills, firing, simulated mission, I could feel the rush and a sense of pride! Going through grueling physical training with these heroes was a priceless feeling. #MissionFrontline Premieres 21st Jan on @discoveryplusIN #DiscoveryPlusOriginal pic.twitter.com/9U3O2iglyJ

— Rana Daggubati (@RanaDaggubati) January 18, 2021