ఉత్కంఠతను రేపిన సూపర్ ఓవర్ టీజర్
క్రికెట్ బెట్టింగ్.. బూకీల కథాంశంతో తెరకెక్కిన ‘సూపర్ ఓవర్’
 |
| Super Over Teaser Trending |
తెలుగులో ప్రముఖ ఓటీటీగా ఆహాకు మంచి గుర్తింపు ఉంది. ఆహా ఓటీటీ ప్లాట్ ఫామ్లో తెలుగు సినిమాలు.. వెబ్ సిరీసులు.. స్పెషల్ షోలు స్ట్రీమింగ్ అవుతూ సినీప్రియులను ఆకట్టుకుంటున్నాయి. ఓటీటీల్లో నెంబర్ వన్ గా కొనసాగుతున్న సంస్థలతో ఆహా ఓటీటీ పోటీపడుతూనే తెలుగులో నెంబర్ వన్ స్థానాన్ని దక్కించుకునేందుకు సన్నహాలు చేసుకుంటోంది.
తెలుగు ప్రేక్షకుల అభిరుచులకు తగ్గట్టుగానే ఆహాలో సినిమాలు.. వెబ్ సిరీసులు.. స్పెషల్ షోలను నిర్వాహాకులు చేస్తున్నారు. ఇప్పటికే ఆహా నుంచి పలు సినిమాలు.. వెబ్ సిరీసులు.. స్పెషల్ షోలు స్ట్రీమింగ్ అవుతూ తెలుగు ప్రేక్షకులను ఆకట్టుకుంటున్నాయి. ఈక్రమంలోనే సూపర్ ఓవర్ అనే మూవీని ఆహాలో విడుదల చేసేందుకు నిర్వాహాకులు సన్నహాలు చేస్తున్నారు.
జనవరి 22న ఆహాలో ‘సూపర్ ఓవర్ మూవీ స్ట్రీమింగ్ కానుంది. ‘సూపర్ ఓవర్’ మూవీ స్నీక్ పిక్ ను ఇటీవల శర్వానంద్ విడుదల చేశాడు. తాజాగా టీజర్ ను అక్కినేని నాగచైతన్య సోషల్ మీడియాలో విడుదల చేసి చిత్రయూనిట్ కు అభినందనలు తెలియజేశాడు. ప్రస్తుతం సూపర్ ఓవర్ టీజర్ ట్రెండింగ్ లో దూసుకెళుతుంది.
సూపర్ ఓవర్ పేరు తగ్గట్టుగానే టీజర్ ఆద్యంతం సస్పెన్స్ థిల్లర్ ను తలపించింది. క్రికెట్ బెట్టింగ్.. బూకీల నేపథ్యంలో సినిమా తెరెకెక్కినట్లు కన్పిస్తోంది. హీరో నవీన్ చంద్ర క్రికెట్లో బెట్టింగ్ కాసి కోటి 70లక్షలు పొగొట్టుకుంటాడు. ఈ డబ్బును బూకీలకు అందించేందుకు అతడి స్నేహితుల హెల్ప్ కోరుతాడు.
వీరి సహకారంతో కోటి 70లక్షలను కారులో తీసుకెళుతుండగా పోలీసులకు వారిని వెంబడించడం.. వారి నుంచి తప్పుకునే క్రమంలో ఎదురైన సంఘటనలను సూపర్ ఓవర్ టీజర్లో ఆకట్టుకునేలా చూపించారు. సూపర్ ఓవర్ మూవీలో నవీన్ చంద్రకు జోడీగా యంగ్ హీరోయిన్ చాందిని చౌదరి నటించింది.
సూపర్ మూవీలో అజయ్.. రాకేందు మౌళి.. హర్ష ప్రధాన పాత్రల్లో కన్పించారు. డైరెక్టర్ సుధీర్ వర్మ ‘సూపర్ ఓవర్’ను నిర్మించగా డైరెక్టర్ ప్రవీణ్ వర్మ ఈమూవీని తెరకెక్కించాడు. సూపర్ ఓవర్ మూవీ ద్వారా ప్రవీణ్ వర్మ డైరెక్టర్ గా పరిచయం అవుతున్నాడు. ఈ మూవీకి సన్నీ ఎం.ఆర్ మ్యూజిక్ అందించగా దివాకర్ మని సినిమాటోగ్రాఫర్ గా వ్యవహరించాడు.
0 Comments