సుందరి మూవీ నుంచి తొలి లిరికల్ సాంగ్ రిలీజ్
- సోషల్ మీడియాలో ట్రెండింగ్ అవుతున్న సుందరి వేదన
 |
| Agony Of Sundari |
హీరోయిన్ పూర్ణ లీడ్ రోల్లో తాజాగా నటిస్తున్న చిత్రం సుందరి. దర్శకుడు కల్యాణ్జీ గోగానా ‘సుందరి’ని అద్భుతంగా తెరకెక్కిస్తుండగా రిజ్వాన్ ఎంటర్టైన్మెంట్ బ్యానర్లో రిజ్వాన్ ఈ మూవీని నిర్మిస్తున్నాడు. హీరోయిన్ పూర్ణ ఇందులో మెయిన్ రోల్ చేస్తుండగా అగ్నిసాక్షి సీరియల్ ఫేం అర్జున్ అంబటి ‘సుందరి’లో పూర్ణ భర్తగా నటిస్తున్నాడు.
సుందరి మూవీ నుంచి తొలి లిరికల్ వీడియో సాంగ్ జనవరి 29న రిలీజై ట్రెండింగులో దూసుకెళుతోంది. అగోని ఆఫ్ సుందరి(సుందరి వేదన) పేరుతో చిత్రయూనిట్ తొలి సాంగ్ ను రిలీజ్ చేసింది. ‘ఓ కలనే కంటూ ఉంటే నిజమే నన్నే కసిరే..’ అంటూ సాగే మెలోడీ విరహాగీతం అందరినీ ఆలోచింపజేస్తోంది.
 |
| Sundari Movie Poorna |
అగోని ఆఫ్ సుందరి(సుందరి వేదన) పాటకు సాహిత్యాన్ని రాకేందుమౌలి అందించగా లక్ష్మీమేఘన.. సురేష్ బొబ్బొలి అద్భుతంగా పాడారు. ఈ పాటకు సురేష్ బొబ్బొలి సంగీతం అందించాడు. డీఓపీగా బాల్ రెడ్డి వ్యవహరించారు. ఈ పాట విడుదల సందర్భంగా హీరోయిన్ పూర్ణ స్పందించారు.
‘అవును’ సినిమా తర్వాత ఆ రేంజులో తనకు మంచి పేరు తీసుకొచ్చే సినిమాగా ‘సుందరి’ మూవీ నిలుస్తుందని నమ్మకం ఉందని పూర్ణ ఆశాభావం వ్యక్తం చేశారు. అగోని సుందరి పాటను హీరోయిన్ ప్రియమణి.. రకుల్ ప్రీత్ సింగ్ లు తమ ట్వీటర్లో ట్వీట్ చేసి చిత్రయూనిట్ కు ఆల్ ది బెస్ట్ చెప్పారు.
0 Comments