Anasuya item song chavukaburu challaga prome release

 అనసూయ ఐటమ్ సాంగ్ ప్రోమో రిలీజ్

యంగ్ హీరో కార్తీకేయ తాజాగా నటిస్తున్న చిత్రం ‘చావుకబురు చల్లగా’. ఆర్ఎక్స్-100తో కార్తీకేయ యూత్ లో భారీ ఫ్యాన్ పాలోయింగ్ సంపాదించుకున్నాడు. చావుకబురు చల్లగా మూవీలో కార్తీకేయకు జోడీగా సొట్టబుగ్గల సుందరి లావణ్య త్రిపాఠి నటిస్తోంది. ఇందులో కార్తీకేయ బస్తీ బాలరాజుగా కన్పించనుండగా లావణ్య త్రిపాఠి నర్సు పాత్రలో నటిస్తోంది. 

చావుకబురు చల్లగా మూవీలో వీరిద్దరి క్యారెక్టర్లకు సంబంధించిన ప్రచార చిత్రాలు ఇప్పటికే అభిమానులను ఆకట్టుకున్నాయి. ఈ మూవీలో బుల్లితెర యాంకర్.. వెండితెర రంగమ్మత్త అనసూయ ఓ ఐటమ్ సాంగ్ చేస్తోంది. ఈ పాటకు సంబంధించిన ప్రొమోను చిత్రబృందం తాజాగా విడుదల చేసింది. 

‘పైన పటారం.. ఈడ లోన లోటారం.. విను బాసూ చెప్తాను ఈ లోకం యవ్వారం’ అంటూ సాగే ఐటమ్ సాంగులో అనసూయ మాస్ స్టెప్పులు వేయనుంది. కార్తీకేయ.. అనసూయ మధ్య నడిచే ఈ ఐటమ్ సాంగ్ సినిమాకు హైలెట్ గా నిలుస్తుందనే టాక్ విన్పిస్తోంది. ఈ మాస్ సాంగ్ కు జేక్స్ బిజోయ్ సంగీతాన్ని అందించారు.

ఈ ఐటమ్ సాంగ్ పుల్ సాంగ్ ను మార్చి 1న సాయంత్రం 4గంటల 5నిమిషాలకు విడుదల చేయనున్నట్లు చిత్రబృందం తాజాగా ప్రోమోలో వెల్లడించింది. దీంతో ఈ ఫుల్ సాంగ్ కోసం అనసూయ అభిమానులు అత్రుతగా ఎదురు చూస్తున్నారు. ‘చావుకబురు చల్లగా’ మూవీని స్టార్ ప్రొడ్యూసర్ అల్లు అరవింద్ సమర్పణలో గీతా ఆర్ట్స్ బ్యానర్లో బన్నీ వాస్ నిర్మిస్తున్నాడు. ఈ మూవీని మార్చి 19న రిలీజ్ చేసేందుకు చిత్రబృందం సన్నహాలు చేస్తోంది.