Shakuntalam movie which will start on March 20th

 అద్భుత ప్రేమకావ్యంలో సామ్.. శాకుంతలం పట్టాలెక్కేది అప్పుడే..!

సమంత అక్కినేని పెళ్లి తర్వాత కూడా జోరు చూపిస్తోంది. ఓవైపు సినిమాలు చేస్తూనే హోస్ట్ గా రాణిస్తోంది. అంతేకాకుండా వెబ్ సిరీసుల్లో నటిస్తూ సమంత అక్కినేని ఫుల్ బీజీగా మారిపోయింది. సమంత అక్కినేని వెండితెరకు దూరమై ఓటీటీలకు పరిమితమవుతుందని పలువురు భావించగా వాటన్నింటిని పటాపంచాలు చేస్తూ అద్భుత ప్రేమకావ్యంలో నటించే ఛాన్స్ దక్కించుకుంది సమంత. 

రుద్రమదేవి లాంటి చారిత్రాత్మక సినిమాను తెరకెక్కించి విమర్శకుల ప్రశంసలు దక్కించుకున్న గుణశేఖర్ ఓ అద్భుత ప్రేమకావ్యాన్ని సినిమాగా తెరకెక్కిస్తున్నాడు. అందరికీ తెల్సిన అద్బుత ప్రేమకావ్యం ‘శాకుంతల’ మూవీని వెండితెరపై తనదైన  శైలిలో తెరకెక్కించేందుకు గుణశేఖర్ సన్నహాలు చేస్తున్నాడు. 

శాకుంతలం మూవీని గుణ టీమ్ వర్క్స్ బ్యానర్ పై నీలిమ గుణ నిర్మిస్తున్నారు. ఈ సినిమాలో సమంత శాకుంతలగా నటిస్తోంది. సమంత  నటించనున్న తొలి పిరియాడికల్ మూవీ ‘శాకుంతలం’మే కావడం విశేషం.  ఇందులో దుష్యంతుడిగా ఓ మలయాళీ నటుడు కన్పిస్తాడనే టాక్ విన్పిస్తోంది. 

దుష్యంతుడు-శాకుంతల ప్రేమకథ అందరికీ తెల్సినప్పటికీ గుణశేఖర్ మాత్రం ఇప్పటివరకు ఎవరికీ తెలియని కొత్త కోణంలో సినిమాను చూపించబోతున్నారట. ఇప్పటికే ఈ సినిమా కోసం ఓ భారీ సెట్ కూడా నిర్మిస్తున్నారు. ప్యాన్ ఇండియా మూవీ రాబోతున్న ‘శాకుంతలం’ మూవీ రెగ్యూలర్ షూటింగ్ మార్చి 20న ప్రారంభం కానుందని సమాచారం. ఈ మూవీకి మెలోడి బ్రహ్మ మణిశర్మ బాణీలను అందిస్తున్నారు.