Megastar Chirajneevi says all the best to Mosagallu

 మోసగాళ్లకు ఆల్ ది బెస్ట్ చెప్పిన మెగాస్టార్..!

కలెక్షన్ కింగ్ మోహన్ బాబు తనయుడు మంచు విష్ణు తాజాగా నటిస్తున్న చిత్రం మోసగాళ్లు. ప్రపంచంలో ఇప్పటి వరకు జరిగిన అతిపెద్ద స్కామ్ ను హలీవుడ్ దర్శకుడు జెఫ్రీ గీ చిన్ ‘మోసగాళ్లు’ సినిమాగా ప్రేక్షకుల ముందుకు తీసుకురాబోతున్నారు. యదార్థ సంఘటన ఆధారంగా ‘మోసగాళ్లు’ మూవీని తెరకెక్కిస్తున్నారు.

మోసగాళ్లు మూవీలో మంచు విష్ణుకు జోడీగా రూహీ సింగ్ నటిస్తోంది. కాజల్ అగర్వాల్ మంచు విష్ణుకు చెల్లెలిగా నటిస్తుండటం విశేషం. ఈ మూవీని మార్చిలో విడుదల చేసేందుకు చిత్రబృందం సన్నహాలు చేస్తోంది. ఈక్రమంలోనే సినిమాకు సంబంధించిన ప్రమోషన్స్ చేపడుతోంది. ఇందులో భాగంగానే తాజాగా మోసగాళ్లు ట్రైలర్ ను విడుదల చేసింది.

రెండునిమిషాల 40సెకన్ల నిడివి కలిగిన మోసగాళ్లు ట్రైలర్ ను మోగాస్టార్ చిరంజీవి సోషల్ మీడియాలో విడుదల చేశారు. ఈ సందర్భంగా హీరో మంచు విష్ణు.. చిత్రబృందానికి ఆయన ఆల్ ది బెస్ట్ చెప్పారు. ‘డబ్బు సంతోషాన్ని ఇస్తుందనుకున్నా.. డబ్బు సెక్యూరిటీ ఇస్తుందనుకున్నా.. ఒట్టేసుకున్నా ఈ పేదరికం నుంచి దూరంగా వెళ్లిపోవాలని..’ అంటూ మంచు విష్ణు చెప్పే డైలాగ్ తో మోసగాళ్లు ట్రైలర్ ప్రారంభం అవుతుంది. 

అమెరికా లాంటి అగ్రదేశంలో 2,600కోట్ల భారీ కుంభకోణాన్ని ఇండియాకు చెందిన మోసగాళ్లు ఎలా కొట్టేశారనేది కథగా తెలుస్తోంది. ఈ మూవీలో బాలీవుడ్ నటుడు సునిల్ శెట్టి పోలీస్ ఆఫీసర్ గా నటిస్తోంది. విష్ణు చెల్లిలా కాజల్ అగర్వాల్ నటిస్తుండగా నవదీప్.. నవీచంద్రలు కీలక పాత్రల్లో నటిస్తున్నారు. 

మోసగాళ్లు మూవీని 24 ఫ్రేమ్స్ ఫ్యాక్టరీ.. ఏవీఏ ఎంటటైన్మెంట్స్ సంస్థలు నిర్మిస్తున్నాయి. మోసగాళ్లు మూవీ కేవలం యాక్షన్ థ్రిలర్ గానే కాకుండా రోమాంటిక్ గా ఉండబోతుందని ట్రైలర్లోని లిప్ లాక్ సీన్స్ చూస్తేనే అర్థమవుతోంది. ఈ మూవీకి సామ్ సీఎస్ సంగీతం అందించగా.. షెల్డన్ చౌ సినిమాటోగ్రఫీ అందించాడు. మోసగాళ్లు మూవీ తెలుగుతోపాటు తమిళం.. కన్నడ.. మలయాళం.. హిందీ భాషలో ఒకేసారి రిలీజ్ కానుంది.

Here is the trailer of #Mosagallu ,Based on a true story, one of the biggest IT scams that shook the USA. All the best Dear @iVishnuManchu &
Best wishes to the entire team 💐#Mosagallu Trailer ▶️ (link)https://t.co/7ylGl02i7p

— Chiranjeevi Konidela (@KChiruTweets) February 25, 2021