Shanvi Srivastava learning horse riding

 గ్లామర్ బ్యూటీ ‘దౌడు’.. వెయిట్ చేస్తున్న ఫ్యాన్స్..!

శాన్వీ శ్రీవాత్సవ టాలీవుడ్లో గ్లామర్ బ్యూటీ పేరుతెచ్చుకుంది. వారణాసికి చెందిన శాన్వీ శ్రీవాత్సవ ‘లవ్లీ’ మూవీతో సినీ ఇండస్ట్రీలోకి అడుగుపెట్టింది. సాయికుమార్ కుమారుడు ఆదికి జోడీగా నటించి తొలి సినిమాతోనే శాన్వీ మంచి మార్కులు కొట్టేసింది. గ్లామర్ తోనే కాకుండా నటనపరంగా శాన్వీ అభిమానులను ఆకట్టుకొని తనకంటూ టాలీవుడ్లో ఓ ఫ్యాన్ ఫాలోయింగ్ ను ఏర్పరుచుకుంది. 

 శాన్వీ శ్రీవాత్సవ ‘లవ్లీ’ మూవీ తర్వాత టాలీవుడ్లో అడ్డా.. రౌడీ.. ప్యార్ మే పడిపోయానే వంటి సినిమాల్లో నటించింది. టాలీవుడ్లో సినిమాలు చేస్తూ తమిళ్.. కన్నడ సినిమాల్లో నటించింది. ప్రస్తుతం ఈ భామ టాలీవుడ్లో సినిమాలు చేయకపోయినప్పటికీ కోలీవుడ్లో మాత్రం బీజీ హీరోయిన్ గా మారిపోయింది. 

తెలుగు.. కన్నడ.. తమిళ సినిమాల్లో నటించిన శాన్వీ శ్రీవాత్సవ ప్రస్తుతం మలయాళంలోనూ ఓ సినిమా చేస్తోంది. అబ్రిడ్ షైన్ దర్శకత్వంలో నివిన్ పౌలీ.. అసిఫ్ అలీ కీలక పాత్రల్లో నటిస్తున్న ‘మహావీర్యమ్’ మూవీలో శాన్వీ శ్రీవాత్సవ ఫీమెల్ లీడ్ చేస్తోంది. ఈ సినిమా కోసం శాన్వీ గుర్రపు స్వారీ.. రాజస్థానీ ఫోక్ డాన్స్ నేర్చుకుంటోంది. 

మలయాళంలో శాన్వీ శ్రీవాత్సవకు ఇదే డబ్ల్యూ మూవీ కావడం విశేషం. ‘మహావీర్యమ్’ మూవీ కోసం శాన్వీ శ్రీవాత్సవ ప్రత్యేకంగా మాలయాళం నేర్చుకుంటోంది. నెలరోజుల్లో ఈ భాషపై పట్టు సాధిస్తానని ధీమా వ్యక్తం చేస్తోంది. ఇప్పటికే తాను తెలుగు.. కన్నడ భాషలపై పట్టు సాధించానని త్వరలోనే మలయాళం కూడా పూర్తిస్థాయిలో నేర్చుకుంటానంటూ శాన్వీ శ్రీవాత్సవ అంటోంది. 

శాన్వీ శ్రీవాత్సవ ఈ మూవీలో గుర్రాన్ని దౌడు తీయించనుంది. ఇందుకోసం ప్రత్యేకంగా గుర్రపు స్వారీ నేర్చుకుంటోంది. దీంతోపాటు రాజస్థానీ ఫోక్ డాన్స్ నేర్చుకుంటోంది. మరోవైపు మలయాళం భాషను నేర్చుకుంటోంది. దీంతో శాన్వీ అభిమానులు ఈ మూవీపై భారీ అంచనాలు పెట్టుకున్నారు. ‘మహా వీర్యమ్’ కోసం ఇంతలా కష్టపడుతున్న ఈ గ్లామర్ బ్యూటీని మలయాళీ ప్రేక్షకులు ఈమేరకు ఆదరిస్తారో వేచిచూడాల్సిందే..!