ఓ కథను కళ్లకు కట్టినట్టు చూపించడమే ‘నాట్యం’..!
- నాట్యం టీజర్ ను సోషల్ మీడియాలో రిలీజ్ చేసిన తారక్
 |
| Natyam Offical Teaser out |
నాట్యం మూవీ టీజర్ తాజాగా విడుదలైంది. యంగ్ టైగర్ ఎన్టీఆర్ ‘నాట్యం’ టీజర్ ను సోషల్ మీడియాలో విడుదల చేసి ప్రముఖ కూచిపూడి నృత్యకారిణి సంధ్యా రాజుతోపాటు చిత్రబృందానికి ఆల్ ది బెస్ట్ చెప్పారు. ఈమేరకు నాట్యం టీజర్ ను ఎన్టీఆర్ తన ట్వీటర్లో ట్వీట్ చేశాడు.
కూచిపూడి నృత్య కళాకారిణి సంధ్యా రాజు ‘నాట్యం’ మూవీలో ప్రధాన పాత్ర పోషిస్తున్నారు. కాదంబరి నాట్యాన్ని దర్శకుడు రేవంత్ కొరుకొండ తెరపై అద్భుతంగా తెరకెక్కిస్తున్నాడు. ఈ మూవీకి రేవంత్ దర్శకుడిగానే కాకుండా స్క్రిప్ట్.. ఎడిటింగ్.. సినిమాటోగ్రఫీ వంటి బాధ్యతలను చాలా చక్కగా నిర్వర్తించాడు.
నాట్యం మూవీ శాస్త్రీయ సంగీతం.. సాహిత్యం నేపథ్యంలో సాగనుందని టీజర్ చూస్తే అర్థమవుతోంది. ఓ కథను మనం వింటాం కదా.. అదే కథను మన కళ్లకు అందంగా చూపించడమే నాట్యమంటే అనే డైలాగ్ తో సినిమా ఎలా ఉండబోతుందో టీజర్లో చూపించారు. 1.31సెకన్ల నిడివితో విడుదలైన నాట్యం టీజర్ ఆద్యంతం ఆకట్టుకుంది.
నిర్మాత దిల్ రాజు సమర్ఫణలో నిశృంఖల ఫిల్మ్ బ్యానర్లో నాట్యం మూవీ నిర్మాణం అవుతోంది. ఈ మూవీలో సంధ్యారాజు ప్రధాన పాత్రల నటిస్తుండగా.. కమల్ కామరాజు.. రోహిత్ బెహల్.. ఆదిత్య మీనన్.. భానుప్రియ.. శుభలేక సుధాకర్.. బేబీ దివేన.. హైపర్ ఆది తదితరులు ఇందులో కన్పించబోతున్నారు.
నాట్యం మూవీ టీజర్ చూసిన నెటిజన్లు ఈ మూవీ మరో సాగర సంగమం.. శంకరాభరణంలా క్లాసికల్ హిట్టవుతుందనే కామెంట్స్ చేస్తున్నారు. నాట్యకారిణి సంధ్యారాజు తన నాట్యంతో ప్రతీ ప్రేములో ఆకట్టుకుంది. నాట్యం మూవీకి సంగీతాన్ని శ్రవణ్ భరద్వాజ్ అందించాడు. ప్రస్తుతం నాట్యం టీజర్ సోషల్ మీడియాలో ట్రెండ్ అవుతోంది.
0 Comments