సైకోగా మారిన ప్రభుదేవా.. చికుబికు చికుబికు రైలే..!
- నెట్టింట్లో ట్రెండ్ అవుతున్న భగీరా టీజర్
డ్యాన్స్ మాస్టర్ కమ్ హీరో కమ్ నటుడైన ప్రభుదేవా మరో ప్రయోగానికి సిద్ధమయ్యాడు. డ్యాన్స్ మాస్టర్ నుంచి నటుడిగా.. హీరోగా.. దర్శకుడిగా.. నిర్మాతగా ప్రభుదేవా సత్తాచాటుతున్నాడు. ప్రభుదేవా ఇటీవలే ఏబీసీడీ.. అభినేత్రి వంటి ప్రయోగాత్మక సినిమాలను నిర్మించాడు. అయితే ఈ సినిమాలే అనుకున్నంత సక్సస్ కాలేదు.
అయినప్పటికీ ఈ ఫార్మూలాను ప్రభుదేవా వదలడం లేదు. తాజాగా భగీరా అనే సస్సెన్స్ థ్రిల్లర్ మూవీ కోసం ప్రభుదేవా సైకో రాజాగా మారాడు. కొద్దిసేపటి క్రితమే భగీరా టీజర్ విడుదలై ట్రెండింగ్ లో దూసుకెళుతుంది. 1.44సెకన్ల నిడివితో విడుదలైన భగీరా టీజర్ ఆద్యంతం అభిమానులను ఆకట్టుకునేలా ఉంది.
భగీరా టీజర్లో ప్రభుదేవా ఆరేడు గెటప్పుల్లో కన్పించాడు. సైకోగా.. లవర్ బాయ్ గా.. కిల్లర్ గా.. గుండుతో.. లాయర్.. డాక్టర్.. డాన్స్ మాస్టర్ గెటప్పులతో కన్పించాడు. ఈ టీజర్ చూస్తుంటే ఈ సినిమాలో ప్రభుదేవా తన నటవిశ్వరూపం చూపించినట్లుగా కన్పిస్తోంది. ఇందులో ప్రభుదేవాతోపాటు అమైరా దస్తూర్.. రమ్య నంబీసన్.. జనని అయ్యర్.. సాంచిత శెట్టి.. సాక్షి అగర్వాల్.. 7/జి బృందావనీ కాలనీ ఫేం సోనియా అగర్వాల్ ముఖ్య పాత్రల్లో నటిస్తున్నారు.
భగరా మూవీని దర్శకుడు అధిక్ రవిచంద్రన్ తెరకెక్కిస్తున్నాడు. మూడేళ్ల గ్యాప్ తర్వాత భగీరాతో సత్తా చాటేందుకు రవిచంద్రన్ సిద్ధమవుతున్నట్లు కన్పిస్తోంది. ఈ మూవీని భరతన్ పిక్చర్స్ నిర్మిస్తుండగా గణేశన్ సంగీతాన్ని అందించాడు. భగీరా తమిళ వర్షన్ టీజర్ ను హీరో ధనుష్ సోషల్ మీడియాలో తాజాగా విడుదల చేయగా ట్రెండింగులోకి దూసుకెళుతోంది.
సస్పెన్.. హర్రర్ జోనర్లో రాబోతున్న భగీరా మూవీ అభిమానులను ఆకట్టుకునేలా కన్పిస్తోంది. ప్రభుదేవా విలక్షణ నటనకుతోడు అమైరా దస్తూర్.. రమ్య నంబీసన్.. జనని అయ్యర్.. సాంచిత శెట్టి.. సాక్షి అగర్వాల్.. సోనియా అగర్వాల్ వంటి తారల గ్లామర్ సినిమాకు హైలెట్ గా నిలువనందని టీజర్ చూస్తుంటేనే అర్థమవుతోంది. మొత్తానికి భగీరా టీజర్ సినిమాపై భారీ అంచనాలను పెంచేసింది.
0 Comments