ఇస్మార్ట్ బ్యూటీకి గుడికట్టిన తమిళ తంబీలు..!
ఇస్మార్ట్ బ్యూటీ నిధి అగర్వాల్ పై తమిళ తంబీలు ప్రేమను చాటుకున్నారు. ఈ వాలంటైన్స్ డే రోజున నిధి అగర్వాల్ కు గుడి కట్టి అందులో నిధి విగ్రహాన్ని ఏర్పాటు చేశారు. నిధి విగ్రహానికి ఆమె అభిమానులు క్షీరాభిషేకం చేశారు. ప్రస్తుతం ఈ పిక్స్ సోషల్ మీడియాలో వైరల్ అవుతున్నాయి.
సినిమాలపై అమితమైన ప్రేమను చూపే తమిళ తంబీలు వారి ఆరాధ్య హీరోయిన్లకు గుడులు కట్టడం కొత్తమే కాదు. గతంలో సీనియర్ హీరోయిన్లు ఖుష్భు.. శ్రీదేవి.. నయనతార.. నమితలకు గుడులు కట్టి ప్రేమను చాటుకున్నారు. ఇక తాజాగా చెన్నైలో నిధి అగర్వాల్ కు సైతం అభిమానులు గుడికట్టి పూజలు చేయడం వైరలైంది.
నిధి అగర్వాల్ కోలీవుడ్లోకి ‘భూమి’ సినిమాతో ఎంట్రీ ఇచ్చింది. ఆ తర్వాత ఈశ్వరన్ లో నటించింది. ప్రస్తుతం పలు సినిమాల్లో నటిస్తూ కోలీవుడ్లో బీజీ హీరోయిన్ మారిపోయింది. కేవలం రెండు సినిమాల్లో నటించిన నిధి అగర్వాల్ కు ఫ్యాన్స్ కు గుడికట్టి పూజలు చేయడంపై మిశ్రమ స్పందన వ్యక్తమవుతోంది.
‘నేషనల్ క్రష్ నిధి అగర్వాల్’ అంటూ సోషల్ మీడియాలో వీడియో వైరల్ అవుతున్న తన ఫొటోలను చూసి నిధి అగర్వాల్ సైతం ఆశ్చర్యపోతుంది. సెలబ్రెటీలను ఆరాధించడంలో తమిళ తంబీలో ముందుంటారని మరోసారి రుజువు చేశారు. అయితే పలువురు మాత్రం తమిళతంబీల ఓవర్ యాక్షన్ చూడలేకపోతున్నామంటూ కామెంట్స్ చేస్తున్నారు.
0 Comments