సీటీమార్ టీజర్ టాక్.. కూత కాదు కోత..!
మిల్కీ బ్యూటీ తమన్నా.. యాక్షన్ హీరో గోపిచంద్ తాజాగా నటిస్తున్న చిత్రం ‘సీటీమార్’. కబడ్డీ బ్రాక్ డ్రాప్ నేపథ్యంలో టాలీవుడ్లో ఇప్పటికే పలు సినిమాలు రిలీజై సూపర్ హిట్టుగా నిలిచాయి. కొన్నేళ్లుగా ఇండస్ట్రీలో బయోగ్రఫీ.. స్పోర్ట్స్ బ్రాక్ డ్రాప్ తో సినిమాల హవా కొనసాగుతోంది. తాజాగా ఇదే ఫార్మూలాతో దర్శకుడు సంపత్ నంది ‘సిటీ మార్’ మూవీని తెరకెక్కిస్తున్నాడు.
సీటీమార్ మూవీలో గోపిచంద్ సరసన మిల్కి బ్యూటీ తమన్నా నటిస్తోంది. వీరిద్దరి కాంబినేషన్లో వస్తున్న ఈ మూవీపై ప్రేక్షకులు భారీ అంచనాలు పెట్టుకున్నారు. ఈ మూవీ తమన్నా తెలంగాణ కబడ్డీ టీం కోచ్ గా నటిస్తుండగా.. గోపిచంద్ ఆంధ్రా కబడ్డీ టీం కోచ్ గా నటిస్తున్నాడు. ఈ రెండు టీం మధ్య జరిగే సన్నివేశాలు సినిమాలకు హైలెట్ గా నిలువనున్నాయని తెలుస్తోంది.
గ్లామర్ డాళ్ గా పేరుతెచ్చుకున్న తమన్నా ఇటీవల కాలంలో నటన ప్రాధాన్యం ఉన్న సినిమాలపైనే ఫోకస్ చేస్తోంది. చిరంజీవి డ్రీమ్ ప్రాజెక్టు ‘సైరా’లో తమన్నా నటించింది. సైరా నర్సింహారెడ్డి ప్రియురాలి పాత్రలో తమన్నా అద్భుతంగా నటించి విమర్శకుల ప్రశంసలను అందుకుంది. ఈ మూవీ తర్వాత తమన్నా నటిస్తున్న చిత్రం సిటీమార్.
సిటీమార్ కోసం తమన్నా ప్రత్యేకంగా తెలంగాణ యాసను నేర్చుకుందనే టాక్ విన్పిస్తోంది. ఇందులో తమన్నా గ్లామర్ తోపాటు నటనతో ఆకట్టుకుందనే టాక్ విన్పిస్తోంది. ఈ మూవీకి సంబంధించిన టీజర్ ను చిత్రయూనిట్ తాజాగా విడుదల చేసింది. 73సెకన్ల నిడివితో విడుదలైన సీటీమార్ టీజర్ ఆద్యంతం అభిమానులను ఆకట్టుకుంది.
గోపిచంద్ యాక్షన్.. డైలాగ్ డెలవరీని దర్శకుడు సంపత్ నంది బాగా ఎలివేట్ చేశాడు. ‘మైదానంలో ఆడితే ఆట.. బయట ఆడితే వేట’ అని గోపిచంద్ చెప్పిన డైలాగ్ టీజర్లో డైనమైట్ లా పేలింది. ఈ మూవీలో భూమిక చావ్లా.. అప్పర రాణి.. రావు రమేష్.. రెహమన్.. తరుణ్ అరోరా.. పోసాని కృష్ణ తదితరులు కీలక పాత్రల్లో నటిస్తున్నారు.
సీటీమార్ మూవీని పవన్ కుమార్ సమర్పణలో శ్రీనివాస సిల్వర్ స్క్రీన్ బ్యానర్లో చిట్టూరి శ్రీనివాసరావు నిర్మిస్తున్నారు. మ్యూజికల్ బ్రహ్మ మణిశర్మ సిటీ మార్ మూవీకి అద్భుతమైన బాణీలను సమకూర్చారు. ఇప్పటికే ఈ మూవీకి సంబంధించి ప్రచార చిత్రాలు విడుదల అవగా అభిమానుల నుంచి మంచి స్పందన లభిస్తోంది. ఏప్రిల్ 12న ఈ మూవీని థియేటర్లలో విడుదల చేసేందుకు చిత్రయూనిట్ సన్నాహాలు చేస్తోంది.
0 Comments