ఓటీటీలో ఉప్పెన సందడి..!
భారీ ధరకు డిజిటల్ హక్కులను దక్కించుకున్న నెట్ ఫిక్స్?
మెగా కాంపౌండ్ నుంచి వచ్చిన హీరోలంతా టాలీవుడ్లో సత్తా చాటుతున్నారు. మెగాస్టార్ మేనల్లుడు.. సాయిధరమ్ తేజ్ తమ్ముడు డబ్యూ మూవీ ఉప్పెన. సుకుమార్ శిష్యుడు బుచ్చిబాబు సాన ఉప్పెన మూవీకి దర్శకత్వం వహించగా మైత్రీ మూవీ మేకర్స్ నిర్మించింది. ఈ మూవీ ఫిబ్రవరి 12న రిలీజై బాక్సాఫీస్ వద్ద మంచి టాక్ తెచ్చుకొని కలెక్షన్ల వర్షం కురిపిస్తోంది.
వైష్ణవ్ తేజ్ కు జోడీగా కృతిశెట్టి నటించింది. తెలుగులో వైష్ణవ్ తేజ్ అండ్ కృతిశెట్టికి ఉప్పెన మూవే తొలి సినిమా. వీరిద్దరి కెమెస్ట్రీ సినిమాకు హైలట్ గా నిలిచింది. ప్రస్తుతం ఈ సినిమా విడుదలైన అన్ని సెంటర్లో మంచి టాక్ తో దూసుకెళుతోంది. వైష్ణవ్ తేజ్.. కృతిశెట్టి.. విజయ్ సేతుపతి నటనకు మెగా అభిమానులు ఫిదా అవుతున్నారు.
బ్లాక్ బస్టర్ టాక్ తో దూసుకెళుతున్న ఉప్పెన మూవీ త్వరలోనే ఓటీటీలో సందడి చేయనుంది. ఉప్పెన డిజిటల్ స్ట్రీమింగ్ హక్కుల కోసం అమెజాన్.. నెట్ ఫిక్స్.. ఆహా సంస్థలు పోటీపడగా నెట్ ఫిక్స్ భారీ ధర చెల్లించి ఉప్పెన డిజిటల్ హక్కులను దక్కించుకుందని టాక్ విన్పిస్తోంది.
థియేటర్లలో సినిమా విడుదలైన 50రోజుల తర్వాత ఓటీటీలో సినిమాలను రిలీజ్ చేసుకునే అవకాశం ఉంటుంది. దీంతో ఉప్పెన మూవీని ఏప్రిల్ 11న ఓటీటీలో రిలీజ్ చేసేందుకు ఓటీటీ నిర్వాహకులు సన్నహాలు చేస్తున్నారని తెలుస్తోంది. ఏదిఏమైనా ఉప్పెన మూవీ వైష్ణవ్ తేజ్.. కృతిశెట్టిలకు అదిరిపోయే ఎంట్రీ ఇచ్చింది.
0 Comments