Witness First Look: మే డే సందర్భంగా ‘విట్ నెస్’ మూవీ ఫస్ట్ లుక్ రిలీజైంది. ఈ మూవీలో ‘జెర్సీ’ హీరోయిన్ సారా(శ్రద్ధా శ్రీనాథ్) ఆర్కిటెక్ట్ గా కన్పించబోతున్నారు. పారిశుధ్య కార్మికుల కేంద్రంగా రూపుదిద్దుకున్న ‘వెబ్ నెస్’ మూవీలో శ్రద్ధా శ్రీనాథ్ ఓ మంచి ఆశయం కోసం ఆమె పోరాటం చేయనున్నారు. ఆమెతోపాటు రోహిణి, షణ్ముగ రాజా, జి.సెల్వ, రాబర్ట్, రాజీవ్ ఆనంద్, ఎం.ఏ.కె.రామ్ కీలక పాత్రల్లో నటించారు.
‘విట్ నెస్’ మూవీ పోస్టర్ ను పరిశీలిస్తే.. శ్రద్ధా శ్రీనాథ్, రోహిణిలు ఏదో విపత్కర పరిస్థితిలో చిక్కుకున్నట్లుగా కన్పిస్తుంది. అలాగే డ్రైనేజ్ పిట్ నుంచి సాయం కోరుతున్నట్లుగా ఒక చెయ్యి కన్పిస్తూ ఉంటుంది. మెట్రోపాలిటన్ నగరాలు మరియు వాటి కింద ఉన్న అదృశ్య కారిడార్‌ల యొక్క మునుపెన్నడూ చూడని దృశ్యాన్ని ఈ మూవీలో దర్శకుడు దీపక్ చూపించినట్లు తెలుస్తోంది.
‘విట్ నెస్’ మూవీని ప్రముఖ నిర్మాత టి.జి విశ్వ ప్రసాద్ నిర్మిస్తుండగా సహ నిర్మాతగా వివేక్ కూచిబొట్ల ఉన్నారు. ముత్తువేల్, జెపి సానక్య స్క్రీన్‌ప్లే అందించగా ఎడిటర్ గా ఫిలోమిన్ రాజ్, సంగీత దర్శకుడిగా రమేష్ తమిళమణి పని చేశారు. ‘విట్ నెస్’ మూవీ తెలుగు, హిందీ, కన్నడ, తమిళ భాషల్లో రిలీజు కానుంది. తెలుగులో ఎన్నో సినిమాలను నిర్మించిన పీపుల్ మీడియా ఫ్యాక్టరీ ‘విట్ నెస్’ మూవీతో కోలీవుడ్ లో అడుగుపెడుతోంది.
Also Read:
రాయల్ లుక్కులో అదరగొట్టిన హిమాలయన్ బైక్
0 Comments