FCUK Movie Audio Launch by Frontline Warriors

FCUK ఆడియోను లాంచ్ చేయనున్న వారియర్స్..!

• ఫంట్ లైన్ వారియర్స్ చేతుల మీదుగా ఒక్కోవారం ఒక్కో పాటను రిలీజ్ చేయనున్న మేకర్స్

Ammu Abhirami Jagapathi Babu Pics

FCUK Movie ఫస్టు లుక్.. టీజర్ ఇటీవలే రిలీజై ఆకట్టుకుంది. రోమాంటిక్ కామెడీ ఎంటటైనర్ గా తెరకెక్కిన FCUK Movie టీజర్ ను జనవరి 1న న్యూ ఇయర్ సందర్భంగా చిత్రయూనిట్ రిలీజ్ చేసింది. 68సెకన్ల నిడివితో విడుదలైన FCUK Trailer తొలి నుంచి చివరి వరకు ఆద్యంతం ఫన్నీగా కన్పించింది. 

FCUK Movieలో ఫ్యామిలీ హీరో జగతిబాబు ప్రధాన పాత్రలో నటిస్తున్నాడు. 50ఏళ్ల వయస్సులోనూ జగపతిబాబు(ఫణీభూపాల్) అమ్మాయిలను బుట్టలో వేసుకునే పాత్రలో కన్పించాడు. ఆయన కుమారుడు కార్తీక్ సైతం ఫణీభూపాల్ లాగే అమ్మాయిలను ప్లట్ చేస్తుంటాడు. 

ఇదిలా ఉండగా ఫణీభూపాల్ కు చిట్టి అనే కూతురు పుడుతోంది. పిల్లల డాక్టర్ గా అమ్ము అభిరామి(ఉమ) నటిస్తోంది. ఫణీభూపాల్(F).. ఉమ(U).. ఫణీభూపాల్ కూతురు చిట్టి(C).. ఫణీభూపాల్ కొడుడు కార్తీక్(K) మధ్య జరిగే సన్నివేశాలు ప్రేక్షకులను కడుపుబ్బా నవ్వించనున్నాయి. 

Father Chitti Umaa Kaarthik(FCUK) మూవీకి విద్యాసాగర్ రాజు తెరకెక్కిస్తుండడగా రంజిత్ మూవీస్ బ్యానర్లో నిర్మిస్తున్నారు. ఇప్పటికే ఈ మూవీ ట్రైలర్ కు అభిమానుల నుంచి మంచి స్పందన వచ్చింది. ఈక్రమంలో చిత్రయూనిట్ ఆడియో లాంఛ్ ను గ్రాండ్ గా నిర్వహించేందుకు ఏర్పాట్లు చేస్తున్నారు. 

FCUK ఆడియో లాంఛ్ ను రియల్ హీరోస్ చేతుల మీదుగా చేయించేందుకు మేకర్స్ సిద్ధమవుతున్నారు. లాక్డౌన్.. కోవిడ్-19 సమయంలో ఫ్రంట్ లైన్ వారియర్స్ గా పని చేసిన హెల్త్.. పోలీస్.. మున్సిపల్.. మీడియా విభాగాలకు సంబంధించిన రియల్ హీరోస్ చేతుల మీదుగా ఒక్కోవారం ఒక్కో పాటను రిలీజ్ చేసేలా చిత్రయూనిట్ ప్లాన్ చేసింది. FCUK మూవీని ఫిబ్రవరి 12న రిలీజ్ చేయాలని నిర్మాతలు ప్లాన్ చేస్తున్నారు.