Hamsanandi in Kerala Forest Travel Video Trending

 కేరళ ఫారెస్టులో ‘హంస’ విహారం

• కేరళ జలపాతాల మధ్య హోయలు ఒలకబోసిన హంసానందిని

హంసానందిని(twitter/Hamsa Nandini)

హంసా నందిని గురించి సినీప్రియులకు ప్రత్యేకంగా చెప్పాల్సిన పని లేదు. పూణేకు చెందిన ఈ భామ మోడల్ గా.. హీరోయిన్.. ఐటమ్ గార్ల్ గా రాణించింది. హంసా నందిని తెలుగు.. తమిళం.. హిందీ.. కన్నడ భాషల్లోని పలు సినిమాల్లో నటించింది. హంసానందిని ఎక్కువ శాతం తెలుగు సినిమాల్లోనే మెరిసింది. 

హంసానందిని అసలు పేరు పూనం. దర్శకుడు వంశీ తెరకెక్కిస్తున్న ‘అనుమానాస్పదం’ మూవీలో హీరోయిన్ గా పూనంకు ఛాన్స్ దక్కింది. ఆ సమయంలో దర్శకుడు వంశీ ఆమెకు హంసానందిని అని పేరు పెట్టారు. ఈ స్క్రీన్ నేమ్ తోనే ఆమె సినిమాల్లో పాపులయ్యారు. 

హంసానందిని(twitter/Hamsa Nandini)

కామర్స్ డిగ్రీ పూర్తి చేసిన హంసానందిని ఆ తర్వాత పలు టెలివిజన్ ప్రకటనల్లో.. సినిమాల్లో నటించి కోట్లాది మంది అభిమానులను సంపాదించుకున్నారు. హంసానందిని టాలీవుడ్లో హీరోయిన్ గా.. ఐటమ్ గార్ల్ గా.. అతిథి పాత్రల్లో కన్పించి అభిమానులను అలరించింది. హంసానందిని ఐటమ్ సాంగ్ చేసిన సినిమాలన్నీ కూడా బ్లాక్ బస్టర్ హిట్టుగా నిలిచాయి.

ప్రభాస్ హీరోగా నటించిన మిర్చి సినిమాలో హంసానందిని మిర్చిమిర్చి అంటూ చేసిన ఐటమ్ సాంగ్ మాస్ ఆడియన్స్ ను ఉర్రూతలూగించింది. పవన్ కల్యాణ్ నటించిన ‘అత్తారింటికి దారేది’.. జూనియర్ ఎన్టీఆర్ నటించిన ‘రామయ్య వస్తావయ్యా’.. బాలకృష్ణ ‘లెజెండ్’ మూవీల్లో హంసానందిని స్పెషల్ సాంగ్స్ చేసి అభిమానులను అలరించింది. 

హంసానందిని(twitter/Hamsa Nandini)

హంసానందిని రుద్రమదేవి.. లౌక్యం.. సొగ్గాడే చిన్నినయానా.. బెంగాల్ టైగర్.. శ్రీరస్తు శుభమస్తు మూవీలో స్పెషల్ రోల్స్ చేసింది. ప్రస్తుతం ఈ అమ్మడు మున్నార్ ట్రావెల్ వోల్గ్ తో కలిసి ట్రావెలింగ్.. కుకింగ్ కు సంబంధించిన వీడియోలను చేస్తోంది. వీటికి సంబంధించిన వీడియోలు.. పిక్స్ ను హంసానందిని తన ఇన్ స్ట్రా.. ట్వీటర్లో పోస్టు చేస్తూ ఉంటోంది. 

హంసానందిని తాజాగా కేరళ ఫారెస్టులో షూట్ చేసిన విహారయాత్రకు సంబంధించిన వీడియోను సోషల్ మీడియాలో పోస్టు చేసింది. కేరళ జలపాతాల మధ్య హంసానందిని సూర్యనమస్కారాలు చేస్తూ అందరి దృష్టిని తనవైపు ఆకర్షించింది. పొట్టి ప్రాకులో హంసానందిని యోగా భంగిమలు చేయడాన్ని అభిమానులు తెగ ఆస్వాదిస్తున్నారు. 

A happy dance in the freezing water 💃😄 🥶
Full video (https://t.co/MohK0ca3Sq).
.
.
.#vlog #swanstories #HamsaNandini #reelsinstagram #reels #reelitfeelit #vlogger pic.twitter.com/hzy4Z5Lkks

— Hamsa Nandini (@ihamsanandini) January 24, 2021

కేరళ ప్రకృతి రమణీయతకుతోడుగా హంసానందిని అందాల విందు చేసిన ట్రావెల్ వీడియో అభిమానులను మెస్మరైజ్ చేస్తోంది. సోషల్ మీడియాలో హంసానందిని పోస్టు చేసిన పిక్స్.. వీడియో ప్రస్తుతం నెట్టింట్లో వైరల్ అవుతుంది. యోగా భంగిమలతో అందాల పరిమళాన్ని వెదజల్లుతున్న హంసానందిని టాలీవుడ్లో మళ్లీ స్పెషల్ సాంగ్ ఎప్పుడు చేస్తుందా? అని అభిమానులు ఆత్రుతగా ఎదురుచూస్తున్నారు.