Virat Kohli Anushka Sharma welcome their first child

 తండ్రి అయిన విరాట్ కోహ్లీ.. కొత్త ‘ఇన్నింగ్స్’ స్టాట్..!

• అనుష్క శర్మ.. తన కూతురు క్షేమంగా ఉన్నారని ట్వీట్ చేసిన విరాట్ కోహ్లీ

Virat Kohli-Anushka Sharma

ప్రముఖ క్రికెటర్ విరాట్ కోహ్లీ జీవితంలో కొత్త అధ్యాయం ప్రారంభమైంది. విరాట్ కోహ్లీ ఇష్టసఖి అనుష్కశర్మ నేడు డెలివరీ అయింది. ఆమె పాపకు జన్మించిందని విరాట్ కోహ్లీ తండ్రి అయిన విషయాన్ని ట్వీటర్లో కొద్దిసేపటి క్రితమే అభిమానులతో పంచుకున్నాడు. 

బాలీవుడ్ బ్యూటీ అనుష్కశర్మను విరాట్ కోహ్లీ మూడేళ్ల క్రితం వివాహం చేసుకున్నాడు. వీరి అన్యోన్య దాంపత్యానికి గుర్తుగా అనుష్క శర్మ నేడు ఓ బేబికి జన్మనిచ్చింది. ఆస్ట్రేలియా సిరీస్ ను వదులుకొని అనుష్క శర్మ డెలివరీ కోసం వేచిచూస్తున్న విరాట్ కోహ్లీకి నేడు గుడ్ న్యూస్ దక్కింది. 

అనుష్క శర్మతోపాటు తన కూతురు క్షేమంగా ఉందనే విషయాన్ని విరాట్ కోహ్లీ ట్వీటర్లో పోస్టు చేశాడు. దీంతో అశేష క్రికెట్ అభిమానులు.. సినీ ప్రముఖులు.. అభిమానులంతా విరుష్క దంపతులకు కంగ్రాట్స్ చేస్తూ బేబీకి వెల్ కమ్ చెబుతూ కామెంట్స్ చేస్తున్నాడు.

విరాట్ కోహ్లీకి కూతురు పుట్టిన రోజునే ఆస్ట్రేలియాతో జరుగుతున్న మూడో టెస్టులో ఇండియా హోరాహోరాగా ఆడి డ్రా చేసుకోవడంతో అభిమానుల సంతోషం రెట్టింపయింది. మరోవైపు భారత క్రికెట్ మాజీ కెప్టెన్ రాహుల్ ద్రావిడ్ పుట్టిన రోజు ఇదే రోజు కావడం విశేషం. 

విరాట్ కూతురు ఈ లోకంలోకి వస్తూనే క్రికెట్ అభిమానులను ఖుషీ చేసింది. ఈ సందర్భంగా విరాట్ కోహ్లీ తమ జీవితాల్లో నూతన అధ్యాయం మొదలైందని.. తాము చాలా సంతోషంగా ఉన్నట్లు తెలిపారు. ఈ పరిస్థితుల్లో తమ ప్రైవసీని గౌరవించాలని కోహ్లీ ట్వీట్ చేశాడు. 

babygirl, Virat Kohli, Virat Kohli Criketer, Virat Kohli Becomes Father, Anushka Sharma becomes mother, Anushka Sharma, Anushka Sharma Web Series, Anushka Sharma Latest news,