లిఫ్టులో ఇరుక్కుపోయిన అనసూయ.. ఎలా బయటిపడింది?
- థ్యాంక్ యు బ్రదర్ ట్రైలర్ ను రిలీజ్ చేసిన విక్టరీ వెంకటేష్
జబర్దస్త్ యాంకర్.. రంగమ్మత్త అనసూయ తాజాగా నటించిన చిత్రం థ్యాంక్ యు బ్రదర్. ఈ మూవీ ట్రైలర్ నేటి సాయంత్రం 4.05నిమిషాలకు రిలీజ్ చేయనున్న చిత్రబృందం నిన్ననే ప్రకటించింది. అనుకున్నట్లుగానే నేటి సాయంత్రం విక్టరీ వెంకటేష్ చేతుల మీదుగా థ్యాంక్ యు బ్రదర్ ట్రైలర్ ను రిలీజ్ చేశారు.
థ్యాంకు యు బ్రదర్ మూవీలో యాంకర్ అనసూయ.. అశ్విన్ విరాజ్ ప్రధాన పాత్రల్లో నటిస్తున్నారు. ఈ మూవీని కొత్త దర్శకుడు రమేష్ రాపర్తి తెరకెక్కిస్తుండగా జస్ట్ ఆర్డినరీ ఎంటటైన్మెంట్ బ్యానర్ పై మాగుంట శరత్ చంద్రారెడ్డి.. తారకనాథ్ బొమ్మిరెడ్డిలు నిర్మిస్తున్నారు. విభిన్న కాన్సెప్ట్ తో థ్యాంకు యు బ్రదర్ మూవీని చిత్రయూనిట్ తెరకెక్కించించినట్లు కన్పిస్తోంది.
అనసూయ భరద్వాజ్(ప్రియ) ఈ మూవీలో గర్భిణీగా నటిస్తోంది. ప్రియ ఓ యువకుడు(విరాజ్)తో కలిసి లిప్ట్ లో వెళుతుండగా సడెన్ షార్ట్ సర్య్యూట్ అవుతుంది. ఇదే సమయంలో ప్రియ నొప్పులతో బాధపడుతూ అపస్మారక స్థితిలోకి వెళుతుంది. గతంలోనే ప్రియ ఆ యువకుడితో గొడవ పడుతోంది. ఈక్రమంలో ఆ యువకుడు ప్రియకు సాయం చేసేందుకు ప్రయత్నించడం ఆసక్తిని రేపుతోంది.
లిప్టులో ఇరుక్కుపోయిన ప్రియ(అనసూయ)ను ఆ యువకుడు(విరాజ్) ఎలా కాపాడానేది థ్యాంకు బ్రదర్ కథగా కన్పిస్తోంది. దీంతోపాటు అనసూయ.. విరాజ్ ల వేర్వురు లవ్ స్టోరీలతో సినిమాను రూపొందించినట్లు తెలుస్తోంది. గుణ బాలసుబ్రమణియన్ బ్యాగ్రౌండ్ స్కోర్ అందించగా.. సురేష్ రగుతు సినిమాటోగ్రఫర్ గా పని చేస్తున్నారు.
0 Comments