Chiranjeevi Congratulated The Police Father Daughter

 ఆ తండ్రికూతురు ఇంకేదరికో ఆదర్శం: మెగాస్టార్

• కన్నకూతురికి సెల్యూట్ చేసిన తండ్రి.. ప్రశంసలు కురిపించిన మెగాస్టార్

Chiranjeevi salute to police

కన్న కూతురుకు ఓ తండ్రి విధుల్లో భాగంగా సెల్యూట్ చేసిన అరుదైన సంఘటన పోలీస్ డ్యూటీ మీట్-2021లో ఇటీవల జరిగింది. రెండు తెలుగు రాష్ట్రాల్లోనూ ఈ సంఘటన చర్చనీయాంశంగా మారగా.. నెటిజన్లు మాత్రం ఆ తండ్రికూతుర్లపై ప్రశంసలవర్షం కురిపిస్తున్నారు. 

డీఎస్పీగా జెస్సీ.. సీఐగా శ్యామ్ సుందర్ పోలీస్ శాఖలో విధులు నిర్వహిస్తున్నారు. ఏపీలోని తిరుపతిలో జరిగిన పోలీస్ డ్యూటీ మీట్-2021లో భాగంగా  వీరిద్దరు ఒకేచోట విధులు నిర్వహించాల్సి వచ్చింది. 

ఈక్రమంలో ఉన్నతాధికారులతో పనులను పర్యవేక్షిస్తున్న జెస్సీకి శ్యామ్ సుందర్ విధుల్లో భాగంగా సెల్యూట్ చేశాడు. తన కూతురుకు తండ్రి ఎంతో ఆనందంతో సెల్యూట్ చేసిన ఫొటో నెట్టింట్లో వైరల్ అయింది. ఈ అరుదైన ఘటనపై మెగాస్టార్ చిరంజీవి తన ట్వీటర్లో స్పందించారు.

‘తన గుండెలమీద ఎత్తుకొని పెంచిన బిడ్డ.. తన పై అధికారిగా వచ్చినప్పుడు ఆ తండ్రి చేసిన సెల్యూట్‌లో బోలెడంత సంతృప్తి ఉంది.. ఆ సెల్యూట్‌లో గర్వాన్ని.. ప్రేమను చూసాను.. పోలీస్ డిపార్ట్‌మెంట్ ఎంచుకొని ప్రజలకు సేవ చేయాలని చూస్తున్న మీ తండ్రీకూతుళ్లిద్దరూ ఎందరికో స్ఫూర్తి..’ అంటూ మెగాస్టార్ తన ట్వీట్ చేశాడు. 

ఈ ఫోటోలో ఉంది తండ్రి-కూతురు
తండ్రి CI ShyamSunderగారు
కూతురుDSP Ms.Jessi Prasanthi
తన గుండెలమీద ఎత్తుకుని పెంచిన బిడ్డ,తనపై అధికారిగా వచ్చినప్పుడు ఆ తండ్రి చేసిన సెల్యూట్లో బోల్డంత సంతృప్తి ని,గర్వాన్ని,ప్రేమని చూసాను.
ShyamSunder garu..
i SALUTE you.మీ ఇద్దరు ఇంకెందరికో స్ఫూర్తి https://t.co/HZZiSdNDAv

— Chiranjeevi Konidela (@KChiruTweets) January 5, 2021

Also Read: కన్నకూతురికి సెల్యూట్ చేసిన తండ్రి.. ప్రశంసలు కురిపించిన నెటిజన్లు..!