Mega daughter re-entry after marriage .. Fans happy

 పెళ్లి తర్వాత మెగా డాటర్ రీ ఎంట్రీ.. ఫ్యాన్స్ ఖుషీ..!

• వెబ్ సీరిసులో నటించేందుకు సిద్ధమవుతున్న మెగా డాటర్ నిహారిక

నిహారిక (twitter/Niharika Konidela)

మెగా డాటర్ నిహారిక ఇటీవలే వివాహా జీవితంలోకి అడుగుపెట్టింది. డిసెంబర్లో జొన్నలగడ్డ చైతన్యను నిహారిక పెళ్లి చేసుకొని న్యూ జర్నీ స్టాట్ చేసింది. దీంతో ఆమె సినిమాలకు దూరం అవుతుందని అందరూ భావించారు. 

నిహారిక అందరి అంచనాలను తలకిందులు చేస్తూ పెళ్లయిన నెలరోజులుకే మళ్లీ కెమెరా ముందుకొచ్చింది. చైతన్యతో పెళ్లి జీవితాన్ని సంతోషంగా గడుపుతూనే తన ఫ్యాషన్ పై తిరిగి దృష్టిసారింది. 

నిహారిక పెళ్లి తర్వాత తొలిసారి ఓ వెబ్ సీరిసులో నటించేందుకు సిద్ధమవుతోంది. ఈ వెబ్ సిరీస్ షూటింగు శుక్రవారం హైదరాబాద్లో జరిగింది. ఈ కార్యక్రమానికి నిహారిక భర్తతో కలిసి హాజరైంది. 

నిహారిక తాజాగా నటించే వెబ్ సీరిసులో యాంకర్ అనసూయ సైతం ఓ కీ రోల్ చేస్తోంది. ఈ వెబ్ సిరీసులో మేల్ క్యారెక్టర్లో ప్రముఖ యూట్యూబర్ నిఖిల్ విజయేంద్ర నటిస్తున్నాడు. భానురాముడు ఈ వెబ్ సిరీసును నిర్మిస్తూ తెరకెక్కిస్తున్నాడు. 

ఈ వెబ్ సిరీస్ పూజా కార్యక్రమంలో ప్రముఖ డైరెక్టర్ వి.వి.వినాయక్.. ప్రముఖ రచయిత విజయేంద్ర ప్రసాద్ పాల్గొన్నారు. వీరిద్దరు దర్శకుడు భానురాముడికి స్క్రీప్టును అందజేశారు. ఈ వెబ్ సిరీసుకు కల్యాణ్ మాలిక్ సంగీతాన్ని సమకూరుస్తున్నాడు. 

నిహారిక ప్రస్తుతానికి సినిమాల్లో నటించకపోయినప్పటికీ వెబ్ సీరిసు ద్వారా మెగా అభిమానులను అలరించేందుకు సిద్ధమవుతోంది. దీంతో ఆమె ఫ్యాన్స్ ఖుషీ అవుతున్నారు. ఈ వెబ్ సిరీసు టైటిట్ ను త్వరలోనే అధికారికంగా ప్రకటించనున్నారు. 

Also Read: ‘ఆచార్య’ షేర్ చేసిన అద్భుతమైన టెంపుల్.. ఓ లుక్కేయండి..!