Saipallavai who became Sarangadhariya

 సారంగా ధరియాగా మారిన ఫిదా బ్యూటీ సాయిపల్లవి

• ఫోక్ సాంగ్ కు సాయిపల్లవి మెస్మరైజ్ స్టెప్పులు

ఫిదా బ్యూటీ సాయిపల్లవి-అక్కినేని నాగచైతన్య కలిసి నటిస్తున్న చిత్రం ‘లవ్ స్టోరీ’. హ్యాపీడేస్ దర్శకుడు శేఖర్ కమ్ముల తనదైన శైలిలో ‘లవ్ స్టోరీ’ మూవీని తెరకెక్కిస్తున్నాడు. ఇప్పటికే ఈ మూవీకి సంబంధించిన ప్రచార చిత్రాలు మంచి టాక్ తెచ్చుకున్నాయి. ఈ మూవీని ఏప్రిల్ 16న ప్రేక్షకుల ముందుకు తీసుకొచ్చేందుకు చిత్రయూనిట్ సన్నహాలు చేస్తోంది. 

లవ్ స్టోరీ మూవీ నుంచి తాజాగా ‘సారంగా దరియా’ సాంగ్ ప్రోమో రిలీజైంది. ఈ ఫోక్ సాంగ్ కు సుద్దాల అశోక్  తేజ సాహిత్యం అందించగా పవన్ సీహెచ్ అదిరిపోయే ట్యూన్ అందించాడు. డ్యాన్స్ లతో మెస్మరైజ్ చేసే సాయిపల్లవి మరోసారి అదిరిపోయే స్టెప్పులతో ఆకట్టుకుంది. ఆమె స్టెప్పులను చూసిన అభిమానులు ఫిదా అవుతున్నారు. 

‘సారంగా దరియా’ సాంగ్ ను సమంత అక్కినేని సోషల్ మీడియాలో విడుదల చేసి ‘లవ్ స్టోరీ’ చిత్రబృందానికి ఆల్ ది బెస్ట్ చెప్పింది. లంగావోణిలో సాయిపల్లవి అదిరిపోయే స్టెప్పులు చూసి కుర్రకారు ఫిదా అవుతున్నాయి. ఈ సాంగ్ మూవీకి హైలెట్ గా నిలుస్తుందనే టాక్ విన్పిస్తోంది. మొత్తానికి సాయిపల్లవి సారంగా ధరియాగా మారి అభిమానులను ఆకట్టుకోవడం ఖాయంగా కన్పిస్తోంది.

Also Read: సాయిపల్లవి జంప్.. ఫిదా అవుతున్న నెటిజన్లు..!